ŴaHebere 13:2 - Tonga Bible 1986

² Mungaruwirizga kwanja ŵalendo nako; chifukwa viyo ndimo ŵanyake ŵangurondere ŵangelo ŵakuseŵe nawo kwambura kuŵaziŵa.

ŴaHebere 13:2 Referans Kwoze

Mateyu 25:35

chifukwa ndingufwa msara, ndipo mungundipaska kurgha: ndenga wa nyota, ndipo mungundimweska: ndenga mlendo ndipo mungundironde:

Chiyambo 18:1

Ndipo Ambuya angumuwoneke pafupi ndi miti ya msolo ya pa Mamre, wanguti waja pa khomo la hema lake mu chifundizi cha msana.

ŴaRoma 12:13

muŵe ŵakusangana nawo mu maukavu gha ŵakupaturika; ŵakutakatakiya wezi ku ŵalendo.

1 Petro 4:9

Muŵe ŵawezi kuŵalendo, yumoza ku munyake kwambura dinginiku:

Mateyu 25:43

ndenga mlendo, ndipo kuti mungundironde cha; wankhuli, ndipo kuti munguvwarika cha: wakutama, ndi mu ulinda, ndipo kuti munguchezga nane cha.’

Tito 1:8

kweni mwanja-ŵalendo, mwanja umampha, wa vinjeru, murunji, mkhovu, wakujitintha;

Jobu 31:32

(Mlendo kuti wagona mu mseu cha; ndamujuriya mlendo khomo langu);

ŴaLevi 19:34

Mlendo wakutandala namwe, wakaŵanga namwe uli ndi mweni charu, mukamwanjanga uli ndimo mutanjirana mwaŵeni. Pakuti imwe mwenga ŵalendo mu charu cha Egipiti. Ndine Ambuya.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

1 Timote 3:2

Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga;

ŴaRoma 16:23

Gayo msowezi wangu ndiso wa ŵakuvwana wose, wakutauzgani. Erasto, msungimbiku wa msumba wo, wakutauzgani, ndi Kuarto, mbali yo. [

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Machitidu gha Ŵakutumika 16:15

Ndipo wachibatizika, ndi nyumba yake yo, wangutiŵeyere, wakuti, “Asani mwanderuzga wamagomekezgeka ku Ambuya, sereni ku nyumba yangu, ndi jani kweniko.” Ndipo wangutikakamizga.

Jobu 31:19

asani ndawona munthu kusuzgika chifukwa chakuŵavi chakuvwara, pamwenga munthu mkavu wambura chakudinkha,

2 ŴaKaronga 4:8

Zuŵa limoza Elisha wanguruta ku Shunemu, kweniko munthukazi muromba wajanga, mweniyo wangumuchichizga kuti warghe kurgha. Viyo penipo pose wangwendiyako ku nthowa yiya wanguziŵa kupatukiyapo kwachirgha kurgha.

Chiyambo 19:1

Mathenga gha Ambuya gha ghaŵi ghanguza ku Sodomu ndi mazulo; ndipo Lote wanguja pa likomo la Sodomu. Penipo Lote wati wawona mathenga gho, wangusoka kwachikumana nagho, ndipo wangukotamiya pasi chisku chake,

3 Yohane 1:5

Wakwanjiwa we, uchita kwamagomekezgeka chose chenicho uŵachitiya ŵabali, ndi ukongwa ku ŵalendo wo,