ŴaHebere 13:16 - Tonga Bible 1986

¹⁶ Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

ŴaHebere 13:16 Referans Kwoze

2 ŴaTesalonika 3:13

Kweni imwe, mwa ŵabali, mungavuka cha pakuchita umampha.

ŴaRoma 12:13

muŵe ŵakusangana nawo mu maukavu gha ŵakupaturika; ŵakutakatakiya wezi ku ŵalendo.

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

1 Timote 6:18

kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

3 Yohane 1:11

Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

ŴaGalatia 6:6

Kweni yo ngwakusambizgika mazu wasanganenge ndi wakusambizga yo mu vyamampha vyose.

Filemone 1:6

Kuti masanga gha chivwanu chako ghaŵe ghakutataliya Kristu mu mziŵiru waku chose chamampha cha mwaku imwe.

ŴaFilipi 4:14

Ndikweni wenga ulemu winu pakusangana nane mu suzgu.

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

Sumu 51:19

penipo ndipo mukakondwanga mu sembe za urunji. Mu mipasku yakocha ndi mipasku yizirima yakocha po ndipo zinkhuzi zikaperekekanga pa jochero linu.