ŴaHebere 13:12 - Tonga Bible 1986

¹² Viyo so Yesu nayo, alinga kuti wapaturiye khamu mu ndopa zaku yija, wangukomwa kubwaro ku ugoŵi.

ŴaHebere 13:12 Referans Kwoze

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Machitidu gha Ŵakutumika 7:58

ndipo ŵati ŵamubwefuliya kubwaro ku msumba, ŵangumpong'a mya: ndi ŵakaboni ŵanguŵika pasi maraya ghawo pa marundi gha jaha, lakuzumbulika Saulo.

ŴaEfeso 5:26

alinga kuti walipatuliske, wati walitozge mu chibatizo ndi mazu,

Maŵerengedu 15:36

Ndipo mpingu wose wungumutole kubwalo kwa ugoŵi, ŵangumudina ndi mya wangufwa, kwakulingana ndimo Ambuya angulanguliya Mosese.

ŴaLevi 24:23

Viyo Mosese wangukamba ndi ŵaYisraele; ndipo ŵanguza nayo kubwalo kwa ugoŵi yo wangutemba, ndi ŵangumudina ndi mya. Viyo ŵaYisraele ŵanguchita cho Ambuya angulanguliya Mosese.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

Yohane 17:19

Pa chifwa chaku wo ndijipatuliya, alinga kuti nawo so ŵaŵe ŵakupatulikiya mu uneneska.

Yoswa 7:24

Ndipo Yoswa ndi ŵaYisraele wose pamoza nayo ŵanguto Akani mwana waku Zera, ndi siliva ndi saru ndi burunga la golide, ndi ŵana ŵake ŵanthurumi ndi ŵanthukazi, ng'ombe zake, mbunda zake, mberere zake, hema lake, ndi chose cho wenga nacho, ndipo ŵangukwere navyo ku Dambo la Akoro.

ŴaHebere 2:11

Chifukwa yo wapatuwa ndiso ŵeniwo mbakupaturika wose mba ku yumoza. Chifukwa chenichi kuti walenga soni cha kuŵatamula ŵabali,

Yohane 19:34

Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

Luka 4:29

ndipo ŵangusoka, ŵangumpong'a kubwaro ku muzi, ndipo ŵanguka nayo ku sendemu la phiri penipo muzi wawo unguzengeka, kwachimpong'a pasi kasindira mutu.

ŴaHebere 10:10

Mu khumbu lenilo to ŵakupaturikiya mu kaperekedu ka liŵavu lo laku Yesu Kristu kamoza limu.

Chivumbuzi 14:20

Ndipo nkhandu yo yingukandika kubwaro ku msumba, ndipo ndopa zingutororoka ku nkhandu mu mweza wa mtunda akhumba wa machumi pe chumi ghaŵi ndimba yake. Utali ndi mitunda yinkhonde.