ŴaHebere 12:9 - Tonga Bible 1986

⁹ Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

ŴaHebere 12:9 Referans Kwoze

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 27:16

“Rekani Ambuya, Chiuta wa mizimu ya ŵanthu wose, wamike munthu pa wumba uwu,

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Yohane 3:6

Cho chapapikako ku nyama ndi nyama; ndipo chochapapikako ku Mzimu ndi mzimu.

Jobu 12:10

Mu janja lake mwe umoyo wa chinthu chose cha moyo, ndi mvuchi wa ŵanthu wose.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu:

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Yesaya 38:16

Ambuya, ŵanthu ŵaja ŵamoyo ndi vinthu ivi, ndipo mwaku vyenivi vyose mwe umoyo wa mzimu wangu. Owe, ndiwezgiyeni ku kututa ndi ndichiteni kuŵa wamoyo!

1 Petro 5:6

Viyo mujiyuyuliye kusi ku janja laukumu laku Chiuta, alinga kuti wamtumphuskeni ku nyengo yakwenere,

Yakobe 4:7

Viyo jithereskiyeni kwaku Chiuta: kweni mikiranani ndi diabolo yo, ndipo wathaŵenge imwe.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

ŴaRoma 9:5

ŵeniwo mbaseku, ndi mwaku ŵeniwo uli nkhu liŵavu wanguziya Kristu, yo we pachanya paku wose, Chiuta wakutumbikika muyaya. Ameni.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

Marangu 27:16

“ ‘Watembeke yo wayuyuwa wiske pamwenga nyina.’ Ndipo ŵanthu wose wanenenge, ‘Ameni.’

Wakutaula 12:7

fuvu liwere ku dongo nge ndimo linguŵiya, ndipo mzimu uwere kwaku Chiuta yo wanguwupaska.

Yakobe 4:10

Mujichefye paurongo pa Ambuya, ndipo wamkuzgeninge.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

ŴaRoma 9:3

Chifukwa ndingakhumba mphanyi kuti ine ndamweni ndiŵe wakutembeka kwaku Kristu pa chifukwa cha ŵabali ŵangu, ŵachikazi ŵanyangu kuchiri ku liŵavu:

ŴaRoma 1:3

wapa Mwana wake, mweniyo kuchiri ku liŵavu wangupapika ku mbeu yaku Davidi,

Machitidu gha Ŵakutumika 2:30

Viyo pakuŵa mchimi, ndipo pakuziŵa kuti ndi rapu Chiuta wamurapiya kuti ku chipasi chamu chiunu chake wangajarikapo yumoza pa chitengu chake cha ufumu.

Luka 18:2

wakuti, “Kwenga mu msumba wakuti mweruzgi ngana, wamburakopa Chiuta ndi wambura kuphwere munthu:

Luka 18:4

Ndipo kwa nyengo kuti wakhumbanga cha: kweni pavuli po wanguti mwaku yija, ‘Chingana kuti nditopa Chiuta cha, chingana kuti ndiphwere munthu cha;

Chivumbuzi 22:6

Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

Yesaya 45:10

Soka kwaku yo wakamba ku wiske, ‘Cho upapa nchine?’ Pamwenga ku munthukazi, ‘Nchine cho uliya nacho?’ ”