ŴaHebere 12:7 - Tonga Bible 1986

⁷ Muzizimizgiyapo kuti muŵe ŵakulangwa; Chiuta wachita namwe uli mbana; chifukwa ndi mwananji mweniyo wiske walive kumlanga?

ŴaHebere 12:7 Referans Kwoze

Nthanthi 19:18

Langanga mwana wako penipo lichalipo gomezgu; reka kuŵika mtima wako pa kwanangika kwake.

Marangu 8:5

Viyo muziŵe mu mtima winu kuti nge ndimo munthu walangiya mwana wake, ndimo Ambuya Chiuta winu wamulangiyani.

Nthanthi 29:15

Ndodo ndi kuchenya vipaska zeru, kweni mwana wakumulekelezga watole soni anyina.

Nthanthi 13:24

Mweniyo wareka kuto ndodo watinkha mwana wake, kweni mweniyo watumwanja watanja kumulanga.

Nthanthi 29:17

Ulangengi mwana wako ndipo wakakupaskanga chipumulu; wakapaskanga kukondwa ku mtima wako.

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

Nthanthi 22:15

Ubereŵeza ukumangika mu mtima wa mwana, kweni ndodo yakuchenjezga yitindidikiskiya kutali ndi iyo.

1 ŴaKaronga 1:6

Awiske ŵengavi kumukaraliska chingana ndi nyengo yimoza ndi mazu ghakuti, “Chifukwa nchine cho wachitiya viyo ndi viyo?” Iyo nayo so wenga munthu wakunozga; ndipo pakuwa kwake wanguja pa mutu paku Absalomu.

1 Samuele 3:13

Ndipo nditumukambiya kuti nde pafupi kulanga nyumba yake muyaya, pa ulakwi wo wanguwuziŵa, chifukwa ŵana ŵake ŵatukanga Chiuta ndipo iyo kuti wanguŵakanizga cha.

1 Samuele 2:34

Ndipo chinthu cho chikaŵiyanga ŵana ŵako ŵaŵi, Hofini ndi Finehasi, chikaŵanga chisimikizgu kwaku iwe: wose ŵaŵi ŵakafwanga zuŵa limoza.

1 Samuele 2:29

Chifukwa nchine ndi jiso la ususi ulereska pa sembe zangu ndi mipasku yangu yo ndingulangula, utumbika ŵana ŵako kwakuruska ine pakujitutuŵiska mwaŵeni ndi vigaŵa vyakusankhika vya mpasku wose wa ŵanthu ŵangu ŵaYisraele?’

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

1 ŴaKorinte 11:32

Kweni pakweruzgika tilangika ndi Mbuya, alinga kuti tingasuskikiya pamoza ndi charu cha.