ŴaHebere 12:3 - Tonga Bible 1986

³ Viyo na mpimeni mweniyo wakunthiyapo chikana chaviyo cha ŵalakwi paku yija, alinga mungavuka cha, ndi kufwa chipoyu mu mizimu yinu.

ŴaHebere 12:3 Referans Kwoze

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

2 ŴaKorinte 4:16

Chifukwa cho kuti tidembereka cha. Inya chingana umunthu widu wakubwaro uvumuka, ndikweni wamkati wo uchitika ufya zuŵa ndi zuŵa.

Chivumbuzi 2:3

ndiziŵa kuti unkhunthiya we nawo, ndi kuti wavwiyapo suzgu yikuru chifukwa cha zina langu, kweni kuti wagongowa cha.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

Yohane 5:16

Chifukwa ichi ŵaYuda ŵangumuŵemba Yesu, chifukwa wanguchita ichi pa Sabata.

1 Samuele 12:24

Opani Ambuya ndipo ŵateŵetiyeni kwamagomekezgeka ndi mtima winu wose, ghanaghanani pa vinthu vikuru vyo ŵamuchitiyani.

ŴaHebere 12:5

Ndipo mwaruwa chichiska cho, chenicho chikambirana namwe nge mwana, “Mwana wangu, ungayuyuwa kulanga kwa Mbuya, chingana nkhufwa chipoyu pakuchenyeka ndi iyo,

Luka 14:1

Ndipo kunguŵa wachisere iyo mu nyumba ya yumoza wa ŵara ŵa ŵaFarisi pa Sabata kwachirgha chiŵande, iwo ŵamkhazganga.

Marangu 20:3

ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

2 ŴaTesalonika 3:13

Kweni imwe, mwa ŵabali, mungavuka cha pakuchita umampha.

Yohane 18:22

Ndipo wachikamba ichi, yumoza wa ŵamirizi ŵakumapo wangumjenyeska Yesu khofi, wakuti, “Kumbi utumwamuka mzukuru mura viyo?”

Yohane 8:52

Ŵangumnene ŵaYuda, “Sono tiziŵiska kuti we ndi demone. Abrahamu wakufwa ŵamchimi ŵakufwa, kweni iwe utiti, ‘Asani yumoza wangasunga mazu ghangu, kuti wamkwesa nyifwa cha muyaya!’

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Nthanthi 24:10

Asani ulakatuka mu zuŵa lasuzgu nthazi yako njimana.

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Yohane 8:13

Viyo ŵangumnene ŵaFarisi, “Ujisimikizgiya wamweni; iku chisimisimi chako kuti nchakuneneska cha.”

Yohane 7:12

Ndipo kwenga dinginiku likuru lasuskanu paku iyo mu mizinda yo; ŵanyake ŵatinge, “Ngwamampha”; kweni ŵanyake ŵatinge “Awa, wapuruska ŵanthu.”

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Luka 15:2

Ndipo ŵadinginikanga ŵaFarisi nawo ndi wo ŵalembi ŵakuti, “Uyu waronde walakwi, ndipo waturgha nawo.”

Luka 5:21

Ndipo ŵangwamba ŵalembi ndi ŵaFarisi kukambirana, kuti “Ndiyani mwenuyu yo warongoro matuka? Njani wanthazi kureke vyakulakwa, kweni Chiuta pe yija?”

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Mateyu 22:15

Penipo ŵaFarisi ŵanguruta ndipo ŵangupangana upu, mo ŵangamkole mu mazu.

Mateyu 21:46

Ndipo pakupenja kuti ŵamuko, ŵangopa mizinda yo, pakuti yenga nayo nge ndi mchimi.

Mateyu 21:23

Ndipo wati waza mu kasopi, ŵanguza kwaku iyo, ŵazukuru ŵara ndi ŵaraŵa khamu lo, wachisambizga, wakuti, “Uchita vyenivi ndi mtufu nuwu? Ndipo yo wakukupaska mtufu wo njani?”

Mateyu 15:2

“Chifukwa chine ŵasambizi ŵinu ŵajumpha mdauku wa ŵara? Chifukwa kuti ŵasamba manja cha penipo ŵaturgha kurgha.”

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Mateyu 11:19

Wanguza mwana wa munthu wakurgha ndi wakumwa, ndipo ŵatiti, ‘Awonani, munthu nkharghi, ndi nkhamwi, bwezi la ŵamsonkho ndiŵalakwi!’ Ndikweni zeru yirunjiskika ndi machitidu ghake.”

Yohane 9:40

Wamu ŵaFarisi wo ŵanguŵanayo pamoza ŵati ŵavwa yagha ŵangumufumba, “Kumbi ifwe nafwe te ŵachiburumutiya?”

Yohane 10:20

Wanandi mwaku wo ŵanenanga, “We ndi demone, wakufuntha; chifukwa chine mutumuvwa?”

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.