ŴaHebere 12:16 - Tonga Bible 1986

¹⁶ vinu wangaŵapo mureŵi yumoza, pamwenga wawaka ngendi Esau, mweniyo pa mtanda umoza wa chakurgha wanguguriska ura wake.

ŴaHebere 12:16 Referans Kwoze

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

Machitidu gha Ŵakutumika 15:29

kujikanizga vyakubayikiya ŵangoza, ndi ndopa, ndi vyakuphuphunyuka, ndi vyauyu; pakujitintha kwaku vyenivyo, mwamchita umampha. Paweme.”

Marko 7:21

Chifukwa kutuwa mukati, mu mtima wa munthu, ghatuwa marunguruku ghaheni, mauyaya, maunkhungu, zimbanda, maureŵi,

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

2 ŴaKorinte 12:21

Nditopa kuti vinu, ndichiza so ine, Chiuta wangu wangandiyuyuska paurongo pinu, ndipo ndingatenjere ŵanandi ŵaku wo ŵalakwa kali, ndi ŵandajipezge pa chifukwa cha ukazuzi wo ndi ureŵi ndi uyaya wo ŵanguchita.

1 ŴaKorinte 10:8

Ndipo tingaŵanga ŵareŵi cha, uli ndimo ŵanyake ŵaku wo ŵanguchitiya ndipo mu zuŵa limoza viguŵa vikwi machumi ghaŵi ndi vitatu.

Machitidu gha Ŵakutumika 15:20

kweni kuti tilembe kwaku wo kalata wakuti ŵajitinthe ku vyaukazuzi vya ŵangoza, ndi ku uyaya, ndi ku vyakuphuphunyuka, ndi ku ndopa.

Chiyambo 27:36

Esau wanguti, “Asi zina lake leneko ndi Yakobe? Pakuti wanditaniya nyengo izi ziŵi. Wanguto ura wakawi kangu; ndipo sono wato chitumbiku changu”. Wanguti so, “Kuti mwandiŵikiyako cha chitumbiku ine?”

ŴaEfeso 5:3

Kweni kungazumbulika mwinu cha chingana mbureŵi, chingana mbukazuzi wose, chingana nchiŵinu, uli nkhwakwenere ŵakupaturika;

1 Timote 1:9

wakuziŵa ichi, kuti dangu lilive kuŵikikiya murunji, kweni likuŵikikiya ŵambura kuziŵa dangu ndi ŵambura kuvwiya, ŵambura kopa Chiuta ndiŵalakwi, ŵambura urunji ndi ŵamtafu, ŵakubaya-ŵauskeu ndi ŵakubaya-ŵanyinawo, ŵakubaya ŵanthu,