ŴaHebere 12:1 - Tonga Bible 1986

¹ Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,

ŴaHebere 12:1 Referans Kwoze

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho:

ŴaFilipi 2:16

pakughafumbatiya mazu gha umoyo mwakuti mphanyi ine ndinguzachijikuzga pa zuŵa laku Kristu, pakuziŵa kuti ndengavi kuchimbiya ŵaka chingana nkhutakataka kwa ŵaka.

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

ŴaGalatia 5:7

Mwachimbiyanga umampha; wangumumikani njani, kuti mureke kuvwiya uneneska wo?

1 Petro 2:1

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose,

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

2 Timote 2:4

Palive wankhondo yo wapota homwa wajiwizga mu milimu ya umoyo wuno, pakuti fundu yake, njakuti wakhorweske wakumlemba.

Yakobe 1:3

pakuziŵa kuti chirozgu cha chivwanu chinu chitata unkhunthiya.

Mateyu 24:13

Kweni wakukunthiyapo mpaka umari, mweniyo wataskikenge.

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

ŴaHebere 6:15

Ndipo viyo wanguti wakunthiyapo, wangufikapo pa phanganu lo.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

1 Petro 4:2

viyo kuti mu nyengo yakujamo so mu liŵavu mungajariyanga ku maulakalaka gha ŵanthu so cha, kweni ku khumbo laku Chiuta.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

2 Petro 1:6

ndi mu mziŵiru wo kujitintha, ndi mu kujitintha ko unkhunthiya, ndi mu unkhunthiya wo uwopa Chiuta,

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”

1 Petro 5:12

Ndi Silvano, mbali wamagomekezgeka, mo ndimpimiya, ndalemba kwinu ghawida, kuchiska ndi kusimikizga kuti wenuwu mbwezi wenecho waku Chiuta: mwaku wo miyani nganganga.

Yesaya 60:8

Mbayani yaŵa wo ŵaphururuka uli ndi mtambo, nge ndi nkhunda ku madangazi ghawo?

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Ezekiele 38:9

Ukayendanga panthazi, ukazanga nge nchimphunga, ukaŵanga nge ndi bingu lakubenekere charu, iwe ndi maliŵanja ghako ghose, ndi ŵanthu ŵanandi pamoza nawe.

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

Luka 16:28

chifukwa nde nawo ŵabali ŵankhonde; alinga kuti waŵasimikizgiye, vinu ŵangaza iwo nawo mu malo yagha gha urwirwi.’

Sumu 18:23

Paurongo pake ndenga wambura kalema, ndingujisunga ku kwananga.

Yohane 4:39

Ndipo mu msumba uwa ŵanandi ŵa ŵaSamaria ŵanguvwaniya mwake pa chifwa cha ukaboni wa mazu gha munthukazi yo, “Wangundinene vyose vyo ndinguchita.”

Yohane 4:44

Chifukwa Yesu Mwenecho wangusimikizga, kuti mchimi mu charu chake walive ulemu.

ŴaGalatia 2:2

Kweni kwakulingana ndi uvumbuzi ndingukwera; ndipo ndinguŵaŵikiya evangeli weniwo ndimemeza mu ŵaMitundu, kweni ku ubende ku ŵathenthe, vinu mphanyi ndachimbiyanga, pamwenga ndinguchimbiya waka.

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaFilipi 1:30

pakuŵa ndi mlimbalimba wo, weniwo munguwona ndipo sono mutuvwa kuti we mwaku ine.

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

Jobu 8:10

Kumbi kuti ŵakusambizgenge cha ndi kukukonkhome, ndi kukamba mazu ghakutuwa ku vinjeru vyawo?

Marko 10:50

Wangutaya munjirira wake, ndipo wakuwuluka wanguza kwaku Yesu.