ŴaHebere 11:6 - Tonga Bible 1986

⁶ Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

ŴaHebere 11:6 Referans Kwoze

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Luka 12:31

Kweni penjani ufumu wake, ndipo vikuskikiyengeko ivi kwaku imwe.

Sumu 119:10

Nditimupenjani ndi mtima wangu wose; mungandizomerezganga cha kureka kuvwiya malangulu ghinu!

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

ŴaRoma 10:14

Kweni ŵadanenge uli paku mweniyo ŵalive kuvwana mwake? Ndipo ŵavwanenge uli mwaku yo ŵalive kumuvwa? Ndipo ŵavwenge uli kwambura ŵakutaula?

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

Sumu 73:28

Kweni kwaku ine, awa, naku nkhuzirwa kuŵa pafupi ndi Chiuta: Mwa Ambuya Chiuta ndisaniya kuvikirika, alinga kuti nditaule nchitu zinu zose.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

2 Petro 1:5

Ndipo pa chifwa chenichi nacho pakukuskiyako pamphu lose, sazgiyanipo pachanya mu chivwanu chinu umampha, ndi mu umampha wo mziŵiru,

ŴaHebere 4:6

Viyo pakuwona kuti anyake ŵaserenge mwaku cho, ndipo kuti ŵeniwo ŵangutaulikiya kali mazu ghakunozga ŵanguseremo cha chifukwa cha mtafu,

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Yohane 8:24

Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.”

2 Petro 1:10

Viyo na, mwa ŵabali, ukongwako pamphukiyani kwachikhozga mdanu winu ndi kasankhikidu kinu: chifukwa pakuchita vyenivi, kuti muguŵenge kose cha:

ŴaHebere 7:19

(pakuti dangu lo lengavi kufiska kanthu), ndi chiserezga cha chigomekezgu chakuruska, mwaku chenicho tiŵandikiya kwaku Chiuta.

Sumu 78:32

Mwaku vyose vya minthondwi yake ŵanthu ŵangurutiliya mu kulakwa mbwenu, ndi kuti ŵangugomekezga cha.

ŴaHebere 4:2

Chifukwa nadi tataulikiya evangeli uli ndi ŵeniŵa: kweni mazu gho ŵanguvwa ghengavi kuŵanduliya kanthu, pakuŵavi kusazgikana ndi chivwanu mu ŵakughavwa.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Maŵerengedu 20:12

Ambuya angunena ndi Mosese ndi Aroni kuti, “Pakuti mwengavi kuvwana mwaku ine, kundipatuwa mu maso gha ŵaYisraele, chifukwa chenichi kuti mwamuserezga mpingu uwu mu charu cho ndikuŵapaska cha.”

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

Marko 16:17

Ndipo visimikizgu vyenivi vikarondonga ŵeniwo ŵavwana: mu zina langu ŵakatuzgiyanga ŵademone; ŵakarongoronga ndi malilime ghafya;

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yesaya 7:9

Ndipo mutu waku Efraimu ndi Samaria, ndipo mutu wa Samaria ndi mwana waku Remaliya. Asani kuti mukavwananga cha, kwakunenenska kuti mukajarikikanga cha.’ ”

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Sumu 106:24

Sono ŵanguchipata charu chakunozga, chifukwa ŵengavi kugomekezga mu phanganu laku Chiuta.

Jobu 21:14

Ŵatiti kwaku Chiuta, ‘Tuwaniko kwaku ifwe! Kuti tikhumba zeru za nthowa zinu cha.

Sumu 78:22

chifukwa ŵanguwulavi chigomekezgu mwaku Chiuta, ndi kuti ŵanguthamiya utaski wake cha.

Ruti 2:12

Ambuya akulipiyapo paku vyo ukuchita, ndipo lipila lakuzaza lipaskike kwako ndi Ambuya, Chiuta waku Yisraele mweniyo iwe waza kuzachibisama ku mapapa ghake!”

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

Mateyu 11:26

Inya, Ada, pakuti viyo ndimu kunguwoneke umampha mu maso ghinu.