ŴaHebere 10:5 - Tonga Bible 1986

⁵ Ndipo viyo, Kristu wachiza mu charu, watiti, “Sembe ndi mpasku kuti mungukhumba cha, kweni liŵavu mwandirongosole;

ŴaHebere 10:5 Referans Kwoze

Yesaya 1:11

“Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

ŴaHebere 1:6

Ndipo so wachiserezga Mwana mura yo mu charu, watiti, “Ndipo ŵamlambiyenge iyo ŵangelo wose ŵaku Chiuta.”

ŴaHebere 10:7

Sono ndinguti, ‘Awona, ndaziya mu chizinga cha buku kwalembeka paku ine kwachichita khumbu linu, Achiuta.’”

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

ŴaHebere 10:10

Mu khumbu lenilo to ŵakupaturikiya mu kaperekedu ka liŵavu lo laku Yesu Kristu kamoza limu.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

ŴaHebere 8:3

Pakuti mzukuru mura yose wamikikiya kwachipereka mipasku ndi so visopu: viyo kukhumbikwa kuti mwenuyu waŵe ndi kanthu ko wangapereka.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Mateyu 11:3

wakufumba, “Kumbi imwe ndimwe yo watuza, pamwenga tilereziyenge munyake?”

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Luka 7:19

Ndipo wakujidaniya ŵangana ŵaŵi ŵa ŵasambizi ŵake, Yohane wanguŵatuma ku Ambuya, wakuti, “Kumbi imwe ndimwe yo watuza, pamwenga tilereziyenge munyake?”

Yesaya 40:16

Lebanoni kuti wangakwaniska nkhuni cha, chingana ndi nyama zake kuti zikwana kuchitiya sembe yakocha cha.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

ŴaHebere 10:8

Pachanya po watiti, “Sembe ndi mipasku, ndi mipasku yakocha, ndi mipasku yapa vilakwa kuti mungukhumba cha,” chingana nkhuti mungukondwere mwenimo cha (vyenivyo vyaperekeka uli ndi dangu lo);