ŴaHebere 10:11 - Tonga Bible 1986

¹¹ Ndipo nadi mzukuru yose watuma zuŵa ndi zuŵa pakumiriya ndi kupereka sembe zenizo pe nyengo zinandi, zo muyaya zilive nthazi kutuzgapo vilakwa:

ŴaHebere 10:11 Referans Kwoze

ŴaHebere 10:4

Chifukwa ndopa za zinkhuzi ndi zimbuzi zambura nthazi kutuzgapo vilakwa.

ŴaHebere 5:1

Chifukwa mzukuru mura yose, wakusankhika mu ŵanthu, waŵikikiya pa chifwa cha ŵanthu mu vinthu vya kuchiri kwaku Chiuta, alinga kuti waperekenge mipasku ndi visopu pa chifwa cha vilakwa.

Maŵerengedu 28:3

“Ndipo ukambe nawo, kuti, Uwu ndi mpasku wapa moto wo mukaperekanga ku Ambuya; ŵana ŵaŵi ŵa mberere ŵa umoyo ŵa chirimika chimoza ŵambura kalema, zuŵa ndi zuŵa, nge ndi mpasku wambura kumara.

ŴaHebere 7:27

mweniyo walive chikakamizgu zuŵa ndi zuŵa, ulaka mbazukuru ŵara ŵeniŵa, kupereka chisopu pa chifukwa cha vilakwa kudanga vya mweneko ndi pavuli vya khamulo; pakuti chenicho wanguchitiya kamoza limu, wangwachijisaska, mwenecho.

Yesaya 1:11

“Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

ŴaHebere 10:1

Chifukwa, pakuti dangu lo le ndi chizgezge cha vyamampha vyo vituza, chikozgu cheneko cha vinthu vyo cha, muyaya liuravi nthazi ndi visopu vyenivyo pe, vyo chirimika ndi chirimika ŵapereke rutaruta, kuŵafiska ŵakuŵandikako.

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Danyele 9:27

Ndipo wakapangananga phanganu lakukho ndi ŵanandi mu sabata yumoza; ndi pakatikati pa sabata ŵalekeskekenge sembe yakubaya ndi sembe ya ufwa; pa phaphiku la vyaukazuzi, pakazanga yumoza yo wapasuwa mpaka umari wakulangulika upungulikiya pa wakupasuwa.”

Danyele 9:21

ndichikamba mu kuromba, munthu Gabiriele, yuwa ndingumuwona mu chiwona pakudanga, wanguza kwaku ine wakuŵatuka kwaruŵi panyengo ya sembe ya mazulo.

Danyele 8:11

Lingujitukumuwa mpaka lingufika ku karonga wa liŵanja; ndipo sembe yakocha ya zuŵa ndi zuŵa yingulondeka, ndi malo ghake ghakupaturika ghangubwangandulika.

Ezekiele 45:4

Chikaŵanga chigaŵa chakupaturika cha charu, chikaŵanga cha ŵazukuru, wo ŵateŵeta mu malo ghatuŵa ndi ŵakundere ku Ambuya kuŵateŵete; ghakaŵanga malo gha nyumba zawo ndi malo ghatuŵa gha malo ghakupaturika.

Maŵerengedu 29:6

pamoza ndi mpasku wakocha wapa mwezi ufya, ndi mpasku wake wa ufwa, ndi mpasku wakocha wambura kurekezga ndi mpasku wake wa ufwa, ndi wakumwa, kwakuyana ndi langulu la paku vyo, fungu lamampha, mpasku wapa ku Ambuya.

Maŵerengedu 28:24

Mu nthowa yeniyi ndimu mukaperekiyanga zuŵa ndi zuŵa, pa mazuŵa ghankhonde ndi ghaŵi, kurgha kwa mpasku wapa moto, fungu lakondweska ku Ambuya; mukaperekanga pamoza ndi mpasku wakocha wambura kurekezga ndi mpasku wake wakumwa.

Chituwa 29:36

Ndipo zuŵa ndi zuŵa mukapaskanga nkhuzi nge ndi mpasku wa uheni pa mphepeska. Ndipo so mukapaskanga mpasku wa uheni pa chifukwa cha jochero la sembe muchichita mphepeska paku cho, ndipo mukachipakanga ndi mafuta, kuchipatuwa.

Mika 6:6

“Nkhazanga ndi chine pa maso pa Ambuya, ndi kusindama pa maso paku Chiuta wa pachanya paku vyose? Kumbi nkhazanga pa maso pake ndi sembe yakocha, ndimatholi gha chirimika chimoza? Kumbi Ambuya akakondwanga ndi vikwi vya ŵana ŵa mberere ŵanthurumi, ndi vikwi chumi (10,000) vya misinji ya mafuta?

ŴaHebere 8:2

mliska wa vyakupaturika ndi wa chihema chenecho, chenicho wangujintha Mbuya, munthu cha.

ŴaHebere 8:4

Ndipo asani wenga panupasi, mphanyi kuti wanguŵa mzukuru kose cha, po ŵalipo ŵakupereka mipasku mwa dangu.