ŴaHebere 10:10 - Tonga Bible 1986

¹⁰ Mu khumbu lenilo to ŵakupaturikiya mu kaperekedu ka liŵavu lo laku Yesu Kristu kamoza limu.

ŴaHebere 10:10 Referans Kwoze

ŴaHebere 10:14

Pakuti mu sembe yimoza wafiskiya muyaya wo mbakupaturika.

ŴaHebere 10:12

kweni mwenuyu, wanguti wapereka sembe yimoza yapa chifukwa cha vilakwa, wangujariya pasi ku marghe ghaku Chiuta muyaya;

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

ŴaHebere 7:27

mweniyo walive chikakamizgu zuŵa ndi zuŵa, ulaka mbazukuru ŵara ŵeniŵa, kupereka chisopu pa chifukwa cha vilakwa kudanga vya mweneko ndi pavuli vya khamulo; pakuti chenicho wanguchitiya kamoza limu, wangwachijisaska, mwenecho.

Yohane 17:19

Pa chifwa chaku wo ndijipatuliya, alinga kuti nawo so ŵaŵe ŵakupatulikiya mu uneneska.

ŴaHebere 13:12

Viyo so Yesu nayo, alinga kuti wapaturiye khamu mu ndopa zaku yija, wangukomwa kubwaro ku ugoŵi.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.

ŴaHebere 9:12

Wangusere kamoza mu Malo Ghakupaturika, wati waronde uwombozi wamuyaya.

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

ŴaHebere 10:20

ndi nthowa yeniyo watipatuliskiya, yifya ndi yamoyo, mu chijaru cho, ndicho liŵavu lake,

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

ŴaHebere 9:26

iku wangwenere kukomwa panandi kutuwa ku kujarikika kwa charu; kweni sonu kamoza pa umari wa migonezi warongoleka kwachituzgiya maulakwi mu chisopu chaku iyo yija.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

1 Yohane 5:6

Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

Yohane 19:34

Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

ŴaHebere 2:11

Chifukwa yo wapatuwa ndiso ŵeniwo mbakupaturika wose mba ku yumoza. Chifukwa chenichi kuti walenga soni cha kuŵatamula ŵabali,

ŴaHebere 10:5

Ndipo viyo, Kristu wachiza mu charu, watiti, “Sembe ndi mpasku kuti mungukhumba cha, kweni liŵavu mwandirongosole;

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

ŴaEfeso 5:26

alinga kuti walipatuliske, wati walitozge mu chibatizo ndi mazu,

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;