ŴaHebere 1:7 - Tonga Bible 1986

⁷ Ndipo ku ŵangelo nawo watiti, “Yo ngwakuŵachita ŵangelo ŵake zimphepu, ndi ŵamirizi ŵake mlipu wa motu.”

ŴaHebere 1:7 Referans Kwoze

Sumu 104:4

Muchitiska zimphepo nge ndi mathenga ghinu, kumwetuka kwa limphezi nge mbateŵeti ŵinu.

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

2 ŴaKaronga 6:17

Sono Elisha wanguromba, ndi wanguti, “Ambuya mwe, ndiromba kuti jurani maso ghake mwakuti wawone.” Viyo Ambuya ŵangujura maso gha manyamata yo ndipo wanguwona, ehe, phiri lo linguzaza ŵakavalo ndi magareta ghamoto kwakuzunguliya Elisha.

2 ŴaKaronga 2:11

Ndipo wachirutiriya ndi kurongoro, ehe, gareta la moto ndi ŵakavalo ŵa moto vinu ŵapatuwa yaŵa ŵaŵi ndipo Eliya wangurata kuchanya ndi kavuruvuru.

Zekariya 6:5

Ndipo mungelo wangwamuka wanguti, “Ivi viruta ku mphepo zinayi za machanya, vinguti vyajirongo pa maso gha Ambuya ŵa charu chose chapasi.

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Yesaya 6:2

Pachanya paku iwo panguma ŵaserafi, yumoza ndi yumoza wenga ndi mapapa ghankhonde ndi limoza, ndi mapapa ghaŵi wanguvimba chisku chake, ndi ghaŵi wanguvimba marundi ghake, ndipo ndi ghaŵi wanguphururuka.

Chiyambo 3:24

Wangumudikiskiya kubwalo munthu; ndipo ku vuma kwa munda wa Edene wanguŵikako ŵaKerubi, ndi lipanga lakulipuka lo lang'anamukiyanga kose-kose, kuvikiriya nthowa yakuya ku muti wa umoyo.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;