ŴaHebere 1:2 - Tonga Bible 1986

² mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

ŴaHebere 1:2 Referans Kwoze

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

1 Petro 1:20

mweniyo wanguziŵikwiya limu, chenga chindajarikike charu, kweni wangurongoleka pa umariwa zinyengo chifukwa chaku imwe,

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Yohane 13:3

Yesu, wanguziŵa kuti Dada wapaska vyose mu manja mwake. Wanguziŵa kuti watuwa kwaku Chiuta, ndi kwaku Chiuta warutenge.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

ŴaHebere 11:3

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 21:38

Kweni ŵalimi wo, ŵachiwona mwana yo, ŵangukambirana mwaku ŵija, ‘Mwenuyu ngwakuhara; tiyeni tibaye, ndipo tito chihara chake.’

ŴaHebere 5:8

Chingana wenga Mwana, wangusambira mvwiyu mwaku vyo wangukomwa;

ŴaEfeso 1:10

yati yafika nyengo vinthu vyose, vyakuchanya ndi vyapanupasi vyo, viŵe vimoza mwaku Kristu iyo.

Yesaya 44:24

Viyo ndimu atiti Ambuya, Muwombozi winu, yo wangumuumbani kutuwa ku chibali: “Ndine Ambuya, mweniyo wangulenga vinthu vyose, yo yija pe wangutambaruwa machanya, yo wangutandika charu chapasi yo wenga nani pamoza njani?

ŴaHebere 7:3

wambura wiske, wambura nyina, wambura fuku, wambura chingana nchiyambu cha mazuŵa chingana mbumari wa umoyo, kweni wakulinganizgika ku Mwana waku Chiuta), wajaririya mzukuru ku muyaya.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

ŴaHebere 1:5

Chifukwa nkhwaku yani kali wamu ŵangelo, Chiuta wanguti, “Ndiwe Mwana wangu, ine le ndakupapa.” Ndi so, “Ine ndiŵiyenge iyo Wiske, ndipo iyo waŵiyenge ine Mwana.”

ŴaEfeso 3:9

ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose;

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Marangu 18:15

“Ambuya Chiuta winu wakamuyuskiyaninga mchimi uli ndine mukati mwinu, kutuwa mu ŵabali ŵinu. Mukaphwerenga mweniyo.

Marangu 4:30

Penipo mwe mu suzgu chifukwa vinthu vyose ivi vyakuŵiyani mu mazuŵa ghakumariya, mung'anamukiyenge ku Ambuya Chiuta winu ndi kuvwiya mazu ghake.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Yohane 15:15

Kuti ndikuzumbuwani ŵaŵanda so cha; chifukwa muŵanda walive kuziŵa cho wachita mbuyake: kweni ndakutamulani ŵabwezi; pakuti ndakuziŵiskani vyose vyo ndavwa ku Ada.

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Yeremiya 30:24

Kukwiya kwakofya kwa Ambuya kuti kukarekanga cha, mpaka penipo wachita ndi kufiska vyenivyo arongoso kuvichita. Mu mazuŵa gho ghatuza mwazamuwamo ichi.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”

ŴaRoma 1:4

ndipo kuchiri ku Mzimu Wakupaturika, wangusimikizgika ndi nthazi kuŵa Mwana waku Chiuta ndi chiyuka cha ŵakufwa, Yesu Kristu Ambuyafwe;

Machitidu gha Ŵakutumika 2:17

‘Ndipo kuŵenge mu mazuŵa ghakumariya, watiti Chiuta, nkhapunguliyanga Mzimu wangu pa ŵanthu wose ndipo ŵamchima ŵana ŵanthurumi ŵinu ndi ŵana ŵanthukazi ŵinu, ndipo majaha ghinu ghamuwona viwoniwoni, ndi madoda ghinu ghamlota maloto;

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Yohane 16:15

Vyose vyo Ada ŵe navyo vyangu: rekani ndinguti, watongeko vyangu, ndipo wazamkuvivumbuliya kwaku imwe.

Marko 12:6

Sono wakuŵa ndi mwana yumoza, nkhwanjiwa, wanguŵatumiya mwenuyu pakumariya, wakuti, ‘Ŵamuphwerenge mwana wangu.’

Marko 1:1

Chiyambo cha evangeli waku Yesu Kristu, Mwana waku Chiuta.

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

ŴaHebere 1:8

Kweni ndi Mwana yo Chiuta wanguti: “Chitengu nchako cha ufumu, uwusa ufumu wako ndi urunji.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Chiyambo 49:1

Sono Yakobe wangudana ŵana ŵake ŵanthurumi, ndi wanguti, “Muwunjikike pamoza, alinga ndikuneniyeni vyenivyo vikakuwiyaninga mu mazuŵa gho ghatuza.

ŴaHebere 9:26

iku wangwenere kukomwa panandi kutuwa ku kujarikika kwa charu; kweni sonu kamoza pa umari wa migonezi warongoleka kwachituzgiya maulakwi mu chisopu chaku iyo yija.

Yohane 3:25

Viyo kunguŵapo kufumbana kuchiri ku ŵasambizi ŵaku Yohane ndi mu Yuda ngana pa katozgedu.

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Yeremiya 48:47

Kweni ndikawezganga umampha waku Moabu mu mazuŵa gha pavuli, atiti Ambuya.” Cheruzgu cha paku Moabu chafika yapa.

Yesaya 45:12

Ndinguchita charu chapasi, ndipo ndingulenga munthu paku cho; ndi manja ghenigho ghangutambaruwa machanya, ndipo ndingulangula maŵanja ghawo ghose.

Maŵerengedu 24:14

Viyo sono, ehe, ndiruta ku ŵanthu ŵangu, zanga, ndikakuziŵiskanga cho ŵanthu yaŵa ŵakachitanga ku ŵanthu ŵako mu mazuŵa gho ghatuza.”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Mateyu 13:39

wamawongu yo wakughamija ndi diabolo ndipo kuvuna ko nkhamaridu ka mgonezi wo; ndi ŵakuvuna mbangelo.

Marko 12:7

Kweni ŵalimi yaŵa ŵangunenerana, ‘Uyu ndi muhara; tiyeni, tibaye, ndipo chihara cho chiŵenge chidu.’

Yohane 1:10

Wenga mu charu, charu chingwatika ndi iyo, kweni charu chengavi kumziŵa.

Yohane 5:26

Chifukwa uli ndimo Dada waliri ndi umoyo mwaku yija, viyo so wampaska Mwana kuŵa ndi umoyo mwaku yija,

Yohane 5:27

ndipo wampaska mtufu kuchita cheruzgu, pakuti ndi Mwana wa munthu.

Yohane 9:29

Tiziŵa ifwe kuti Chiuta wangurongoro kwaku Mosese, kweni ghapa munthu uyu, kuti tiziŵa cha ko watuwa.”

1 ŴaKorinte 2:7

kweni tirongoro zeru yakubisika yaku Chiuta, yeniyo yenga yindaŵepo migonezi, Chiuta wanguteme limu ku unkhankhu widu.

ŴaHebere 3:6

kweni Kristu nge ndi mwana, pa nyumba yake; nyumba yaku mweniyo ndifwe, asani tikoreska chiganga chidu ndi chitumbwa cha chigomekezgu chidu gwa mpaka umari.

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 7:28

Chifukwa dangu lo limika ŵanthu nge mbazukuru ŵara, ŵakuŵa ndi udombotu; kweni kambidu lo la kurapa ko, kwapavuli pa dangu lo, limika Mwana, wakufiskikiya muyaya.

Yohane 13:32

ndipo asani Chiuta wakankhuskika mwaku iyo wamkankhuskiyenge mwaku iyo yija.