ŴaHebere 1:14 - Tonga Bible 1986

¹⁴ Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

ŴaHebere 1:14 Referans Kwoze

Sumu 34:7

Mungelo wa Ambuya watigoŵa kwakuzunguliya wose ŵakuwopa iwo, ndi kuŵataska.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Machitidu gha Ŵakutumika 12:7

Ndipo wonani, mungelo wa Mbuya wanguma pake, ndi kungweruka kunguŵaliya mu ulinda. Ndipo wati wapamantha liŵaghara laku Petro, wangumyuska, wakunena, “Soka ruŵi!” Ndipo maunyoru ghangudeuka ku manja ghake.

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Luka 16:22

Ndipo kunguŵa kuti mpempha yo wangufwa, ndipo wangunyamulikiya ndi ŵangelo ku chipakatu chaku Abrahamu, ndipo msambasi nayo wangufwa, ndipo wanguŵikika.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Luka 2:9

Ndipo mungelo wa Mbuya wanguma paku wo, ndi unkhankhu wa Mbuya wanguŵaŵaliya kwakuzunguliya: ndipo ŵangopa ndi chopu chikuru.

Luka 2:13

Ndipo kwamabuchibuchi kunguŵa pamoza ndi mungelo mzinda wa liŵanja lakuchanya, ŵakuthamika Chiuta, ndi ŵakuti,

Sumu 104:4

Muchitiska zimphepo nge ndi mathenga ghinu, kumwetuka kwa limphezi nge mbateŵeti ŵinu.

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Tito 3:7

alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.

Chivumbuzi 5:6

Ndipo ndinguwona pakati pa chitengu-chaufumu ndi vyamoyo vyo vinayi, ndi mukati mu ŵara wo, Mwana-mberere wakumapo, ulaka nge wangubayika, wakuŵa ndi sengwe nkhonde ndi ziŵi ndi maso ghankhonde ndighaŵi, ghenigho mbazimu ŵankhonde ndi ŵaŵi ŵaku Chiuta, ŵakutumika mu charu chose.

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Yuda 1:14

Ndipo mphaku ŵenaŵa po wanguloske Hanoke, wachinkhonde ndi chiŵi kutuwa kwaku Adamu, wakuti, “Awonani, ŵanguza Ambuya ndi ŵakupaturika ŵaŵo vikwi chumi.

1 Petro 1:4

ndi so ku chihara chambura mawoleka, ndi chambura banga, ndi chambura mafoteka, chakuŵikikiya imwe kuchanya,

ŴaHebere 6:17

Nako viyo chiuta, pakukhumba kurongole limu ku ŵakulihara phanganu uwura masinthika wa chipangu chake, wangudumulizgamo ndi rapu:

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

ŴaFilipi 2:25

Kweni nge nkhu mbali yo Epafroditu, mteŵati munyangu ndi wakhondo-munyangu, nthumi yinu ndi mteŵeti waku ukavu wangu, ndingupima kuti nchakwenere kumutuma kwinu;

2 ŴaKorinte 9:12

Pakuti uteŵeti wa mlimu uwu ulive kugutiska usauchi wa ŵakupaturika wo pe cha, kweni so ufurwiya mu kumwonga Chiuta kwa ŵanandi.

ŴaRoma 15:27

Viyo ŵangukondwa kuchita ichi; ndipo mbamateu kwaku wo; chifukwa asani ŵaMitundu ŵasanganapo vyamzimu vyawo mbamateu kuŵateŵete mu vyaliŵavu navyo.

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

ŴaRoma 13:6

Pakuti chifukwa chenichi nacho mulipa msonkhu; chifukwa mbamirizi ŵaku Chiuta ŵakuchita chenichi.

Machitidu gha Ŵakutumika 13:2

Ndipo ŵachiteŵete iwo Ambuya, ndi kufunga, Mzimu Wakupaturika wanguti, “Ndipatuliyeni Barnaba ndi Saulo ku mlimu wo ndaŵadaniya.”

Machitidu gha Ŵakutumika 11:22

Ndipo makani ghapaku wo ghanguvwika mu mpingu wamu Yerusalemu: ndipo ŵangutuma Barnaba mpaka ku Antoike.

Luka 1:23

Ndipo kunguŵa, po ghangufiskika mazuŵa gha umirizi wake, wanguruta ku nyumba yake.

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Jobu 1:6

Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.

1 Petro 3:7

Viyo so, mwaŵanthurumi, jariyani nawo pamoza uli ndi mziŵiru, ndipo mugaŵiye munthukazi ulemu, uli nkhu chiyaŵi chakutomboroka, uli so nkhwaku wo mbakuhariya pamoza wezi wa umoyo; viyo kuti ghangaswereskeka cha marombu ghinu.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

ŴaHebere 10:11

Ndipo nadi mzukuru yose watuma zuŵa ndi zuŵa pakumiriya ndi kupereka sembe zenizo pe nyengo zinandi, zo muyaya zilive nthazi kutuzgapo vilakwa:

ŴaHebere 8:6

Kweni sono wafikako ku umirizi wakuzungura, uli ndimo so ndi mwendamukati wa chipanganu chakuruska, chenicho chalangulika pa mapanganu ghakuruska.

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

ŴaFilipi 2:17

Ndikweni, nanga ndipungulikiya pa chisopu ndi uteŵeti ukhovu wa chivwanu chinu, ndikondwa, ndipo ndikondwere ndi imwe mose.

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

ŴaGalatia 3:29

Ndipo asani mwe waku Kristu, po ndipo mwe mbeu yaku Abrahamu, ndi ŵakuhara uli ndi chipanganu.

ŴaGalatia 3:9

Ndi viyo wo mbamu chivwanu watumbikika pamoza ndi Abrahamu wachivwanu yo.

ŴaGalatia 3:7

Viyo na, ziŵani kuti ŵeniwo mbaku chivwanu, iwo nawo mbana ŵaku Abrahamu.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

Machitidu gha Ŵakutumika 16:26

ndipo kwamabuchibuchi kunguŵapo chiyeuyeu chikuru, viyo kuti viŵanja vya nyumba yamagoŵa vinguyaghayika: ndipo sosonukweni visasa vyose vingujurika, ndi vimangiru vyaku wose vingufwatuka.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Chiyambo 32:24

Ndipo Yakobe wangujowoleka pakuyija; ndipo munthu wangukoana kulimbana nayo mpaka ku matanda kucha.

Mateyu 4:11

Sono diabolo yo wangumreka; ndipo, onani, ŵangelo ŵanguza ndi ŵamteŵetiyanga.

Marko 10:17

Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

ŴaRoma 11:14

Mwakuti ndiŵachite ŵaYuda ŵanyango kuŵa ŵasanji, ndi kutaska ŵanyake ŵaku wo.

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.