ŴaHebere 1:11 - Tonga Bible 1986

¹¹ ghakanangikanga ghenigho; kweni imwe mujaririya; ndipo ghavumukenge ghose uli ndi munjirira;

ŴaHebere 1:11 Referans Kwoze

Yesaya 51:6

Soskiyani maso ghinu kuchanya, lereskani kusi kwa charu chapasi, pakuti machanya ghakawalanga uli ndi usi, charu chapasi chikachujukanga uli nchivwalo, ndipo ŵeniwo ŵaja mwaku cho ŵakafwanga uli mbuzuzu; kweni utaski wangu ukaŵanga wa muyaya, uwombozi wangu kuti ukamaranga cha.

Marko 13:31

Kuchanya ndi pasi vikarutanga: kweni mazu ghangu kuti ghakarutanga cha.

Yesaya 34:4

Liŵanja lose la kuchanya likavundanga, ndipo uli ndi mapepara mitambo yikazingikanga. Liŵanja lawo lose likawanga, nge ndimo mani ghawiya kutuwa ku mphereska, nge ndi mani ghatuwa kutuwa ku mkuyu.

Chivumbuzi 21:1

Ndipo ndinguwona kuchanya kufya ndi charu chifya: chifukwa kuchanya kwakudanga ndi charu chakudanga vyarutapo, ndipo kwengavi so nyanja.

Luka 21:33

Kuchanya ndi panupasi virutenge; kweni mazu ghangu kuti gharutenge cha.

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

ŴaHebere 12:27

Ndipo mazu yagha, “Kamoza so,” ghasimikizga katuzgikidu ka vyakusukunika, ulaka nkhaku vyo vyakwatika, alinga kuti vikajaririyanga vyambura masukunika vyo.

Yesaya 65:17

“Pakuti ehe, ndilenga machanya ghafya ndi charu chapasi chifya; ndipo vinthu vyakudanga kuti vikakumbukikanga cha, pamwenga kuvighanaghana.

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Sumu 10:16

Chiuta ndi karonga ku muyaya ndi muyaya; ŵamitundu ŵakaparghang'ikanga mu charu chake.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Yesaya 50:9

Ehe, Ambuya Chiuta atindovya ine, njani wangandisaniya ndi mlandu? Ehe, wose ŵakachujukanga ulaka nchivwalo; nyenje zikaŵarghanga.

Yesaya 41:4

Njani yo wafiska ndi kuchita ichi, kudana migonezi kutuliya pa mtendeko? Ine, Ambuya, wakudanga yo, ndi waumari, ndine pe.

Sumu 29:10

Ambuya ausa pachanya pa maji ghanandi; nge ndi karonga muyaya.

Yesaya 51:8

Pakuti nyenje zikaŵarghanga uli ndi raya, fusi zikaŵarghanga nge ndi thonje, kweni uwombozi wangu ukajanga muyaya, ndi utaski wangu ku migonezi ndi migonezi.”

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Sumu 102:26

Vyose vikamaranga, kweni imwe mukajaririyanga; vyose vikachujukanga nge vyakuvwara. Imwe mukavisinthanga nge ndi maraya, ndipo vikamaranga.

ŴaHebere 8:13

Mu kukamba, chipanganu chifya, wakoteska chakudanga cho. Kweni chenicho chakukota ndi nchakukaramba che pafupi kuzirimitiya.