ŴaFilipi 4:6 - Tonga Bible 1986

⁶ Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

ŴaFilipi 4:6 Referans Kwoze

1 Petro 5:7

pakupong'a paku iyo kweŵeku linu lose, pakuti waphwere imwe.

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Mateyu 6:8

Viyo mungakozgananga nawo cha: chifukwa Auskemwe ŵaziŵa vyo mukavuka, mweche mundaŵapemphe.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Nthanthi 16:3

Pereka nchitu yako ku Ambuya, ndipo vyakulongoso vyako vikachitikanga.

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

ŴaKolose 4:2

Fwiririyani mu kuromba, ndipo mucherezge mwenimo ndi kuwonga.

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

Luka 18:1

Ndipo wanguŵakambiya ntharika yakuti nkhwakwenere iwo kuromba rutaruta, ndi kudembereka cha:

Luka 12:22

Ndipo wanguti ku ŵasambizi ŵake, “Chifukwa chenichi ndikuneniyani, mungakweŵeke umoyo winu, chenicho mungargha; chingana nkhu liŵavu cho mungavwara.

Sumu 51:15

Ambuya, jurani milomo yangu, ndipo mlomo wangu utaulenge rumbu linu.

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.

ŴaEfeso 5:20

pakuwonge so nyengo zose Chiuta ndi Dada pa chifukwa chaku vyose mu zina la Ambuyafwe Yesu Kristu.

Sumu 55:17

Ku mazulo, ku mlenji, ndi ku msana pakati ndidandaula ndi kutamantha, ndipo iyo wakavwanga mazu ghangu.

Luka 10:41

Kweni wakwamuka Mbuya wanguti kwaku iyo, “Marta, Marta, ukweŵeke ndi usuzgikiya pa chifwa cha vinthu vinandi:

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Mateyu 10:19

Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Luka 12:29

Ndipo mungapenjanga cha chenicho mungargha ndi chenicho mungamwa, ndipo mungakangang'anga cha.

1 Samuele 1:15

Hana wangwamuka wanguti, “Awa, Ambuya ndaŵa munthukazi wakusuzgika ukongwa; kuti ndamwa vinyo chingana nchakumwa chakuloŵereska cha, kweni ndaperekanga mzimu wangu paurongo pa Ambuya.

2 ŴaKorinte 1:11

Namwe so mutenere kutovya mu marombo, alinga kuti kuporote mwaku ifwe Chiuta wawongeke ndi ŵanandi pa chifwa cha vitumbiku vyo vikupaskika kwaku ifwe mukwamuka marombo gha ŵanandi; alinga kuti chifukwa cha chawezi chakupaskikiya ifwe pa chifwa cha ŵanandi, wawongeke ndi milomo yinandi chifukwa chinu.

1 ŴaKorinte 7:32

Kweni ndikhumba muŵevi malikweŵeka. Yo ngwambura kuto wakweŵeke vya Ambuya, mo wangakondweske Ambuya;

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Danyele 3:16

Shadreke, Mesheke, ndi Abedenego ŵangumwamuka karonga Nebukadanezara kuti, “Ehe! kukhumbikwa cha kuti timwamukeni pa makani yagha.

2 Mikoka 32:20

Pa chifukwa ichi karonga Hezekiya ndi mchimi Yesaya mwana waku Amozi ŵanguromba ndi kuririya kuchanya.

1 Samuele 7:12

Viyo Samuele wanguto mwa ndi kuwumika pakati pa Mizpa ndi Jeshana, ndipo wangudana zina lake Ebenezere, pakuti wanguti, “Panu, Ambuya atovya.”

Sumu ya Zisumu 2:14

Owe nkhunda yangu, mu vinkhwawu vya jarawi, mu mazenje ghakubisika, mphanyi ndawona chisku chako, ndivwi mazu ghako, pakuti mazu ghako ngakunowa, ndipo chisku chako nchakunozga.

1 ŴaKorinte 7:21

Mungudanika kumbi pakuŵa muŵanda? Urigaphwerengako ndi ichi cha. Asani napo ungaŵa mwanangwa, ipo ukoreske wanangwa wo.

1 ŴaKaronga 8:28

Kweni ndipuuli muŵe akuphwere rombu la muŵanda winu ndi kuŵeyere kwake, Ambuya mwe Chiuta wangu, mwaŵakuvwa kubongo ndi rombu lenilo muŵanda winu waromba paurongo pinu msana wale;

Yeremiya 32:16

“Pavuli ndati ndapaska karata wakuguliskiyapo kwaku Baruki mwana waku Neriya, ndinguromba ku Ambuya ndinguti:

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Mateyu 6:34

“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.

1 Timote 2:1

Viyo, pakudanga ŵaka, ndichiska kuti ghachitikiye maniniziku, marombo, mapemphu, vyakuwonga, pa chifukwa cha ŵanthu wose;

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.