ŴaFilipi 4:18 - Tonga Bible 1986

¹⁸ Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

ŴaFilipi 4:18 Referans Kwoze

ŴaHebere 13:16

Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

ŴaFilipi 4:12

Ndiziŵa kusauka, ndiziŵa so kusakata: mwaku chose kosekose ndasambizgika kugutiskika ndiso kufwa msara, kufurwa ndi so kusauka.

2 ŴaKorinte 9:12

Pakuti uteŵeti wa mlimu uwu ulive kugutiska usauchi wa ŵakupaturika wo pe cha, kweni so ufurwiya mu kumwonga Chiuta kwa ŵanandi.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

2 ŴaTesalonika 1:3

Titenere kumwonga Chiuta nyengo zose pa chifukwa chinu, mwa ŵabali; uli ndimo nadi nkhwakwenere, pakuti chikuliyakuliya ukongwa chivwanu chinu, ndipo chanju chaku mose, yumoza ndi yumoza, chifurwiya yumoza ku munyake;

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Machitidu gha Ŵakutumika 10:4

Ndipo iyo, pakumlereska dodoli, ndi pakuŵa wachitenthe, wanguti, “Nchine, Ambuya?” Ndipo wangumunene, “Maniniziku ghako ndi vyalisungu vyako vyakwera uli nchikumbusku paurongo paku Chiuta.

2 ŴaKorinte 11:8

Mipingu yinyake ndiyo yingundipaska mphotu yo yingundovya kuzachiteŵete imwe; ndipo po ndinguŵa pamoza namwe mu kusauka kwangu kuti ndingumuzitiska yumoza cha; chifukwa ŵabali wo, ŵangutuliya ku Makedonia, ŵangugutiska usauchi wangu;

Maŵerengedu 7:62

mbali ya golide ya mashekelo chumi, yakuzaza vya chema;