ŴaFilipi 3:9 - Tonga Bible 1986

⁹ ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho,

ŴaFilipi 3:9 Referans Kwoze

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

ŴaGalatia 2:16

tiziŵa kuti munthu walive kurunjiskika mu milimi ya chilangulu, kweni mu chivwanu chamwaku Yesu Kristu pe, nafwe tavwaniya mwaku Kristu Yesu, alinga kuti tirunjiskikiyenge ndi chivwanu chamwaku Kristu, ndipo ndi milimu ya chilangulu cha: pakuti ndi milimu ya chilangulu paŵengevi kurunjiskika munthu yumoza.

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

ŴaRoma 1:17

Chifukwa mwenimo uvumbulikiya urunji waku Chiuta, wakutuliya ku chivwanu ndi wakuyiya ku chivwanu: ndimo kwalembeke, “Murunji iyo wajariyenge wamoyo ndi chivwanu.”

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Yeremiya 33:16

Mu mazuŵa ghenigha Yuda wakataskikanga ndi Yerusalemu wakajanga wakuvikiririka. Ndipo ili ndilo zina lo ŵakadanikanga nalo: ‘Ambuya mburunji widu.’

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

ŴaFilipi 3:6

uli nkhu pamphu, wakuŵemba eklesiya lo; nge nkhu urunjiwamu chilangulu, nda wambura kafukwa.

ŴaRoma 10:10

pakuti ndi mtima munthu wavwaniya ku urunji; ndipo ndi mlomo wazomera ku utaski.

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Wakutaula 7:20

Nadidi palivi munthu murunji pa charu chapasi yo wachita umampha ndi kuti walakwa cha.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Sumu 143:2

Rekani kusere mu cheruzgu ndi mteŵeti winu; chifukwa pa maso pinu palivi nanga njumoza yo ngwakurunjika.

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.

Sumu 14:3

Wose ŵapatuka ŵavundiya wose pamoza; kulivi wakuchita umampha, kulivi nanga njumoza.

2 Mikoka 32:25

Kweni Hezekiya kuti wangu ŵawezge kwakulingana ndi umampha wo ungumchitikiya cha, chifukwa mtima wake ungujikwezga. Pa chifukwa ichi kangumziya kandundu, ndi paku Yuda ndi Yerusalemu.

1 ŴaKaronga 8:46

“Asani ŵakulakwiyani pakuti palivi munthu yo wareka kulakawa ndipo imwe mwaŵatundiriya, ndi kuti mutuŵapereka ku ŵakupindikana, viyo kuti ŵayoreke ku uŵanda ku charu cha ŵakupindikana, kutali pamwenga pafupi,

Chiyambo 7:23

Wamusisita chinthu chose chamoyo cho chenga pa charu, munthu ndi nyama ndi vyakukwaŵa ndi viyuni vya mude; vingusisitika pa charu. Wangujako Nowa pe, ndi wo ŵenga nayo pamoza mu ngaraŵa.

1 Yohane 3:4

Munthu yose yo wachita chilakwa, wachita uchikana marangu nawo so: ndipo chilakwa mbuchikana marangu.

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

ŴaRoma 16:7

Tauzgani Androniko ndi Junia, ŵachikazi ŵanyangu, ndi ŵamikoli ŵanyangu, wo mbakuziŵikwa mu ŵakutumika ŵeniwo so mbakudanga kwaku ine mwaku Kristu.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Marangu 27:26

“ ‘Watembeke yo kuti wazomerezga cha mazu gha dangu ili mu kughachita.’ Ndipo ŵanthu wose ŵanenenge, ‘Ameni.’