ŴaFilipi 3:12 - Tonga Bible 1986

¹² Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake.

ŴaFilipi 3:12 Referans Kwoze

Sumu 138:8

Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Yesaya 51:1

Tegherezgani kwangu, imwe mundondoloska utaski, imwe mupenja Ambuya; lereskani ku jarawe kwaku lo mungubanthukako, kuzenje lenilo mungukumbikako.

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

ŴaFilipi 3:16

Kweni tiyeni cho taronde tichikoreze mu uneneska.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

ŴaGalatia 5:17

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

ŴaEfeso 4:12

kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu;

2 ŴaKorinte 13:9

Chifukwa tikondwa, penipo titomboroka ifwe, ndipomwe ŵanthazi imwe: chenichi nacho tirombe, kukongora kwinu,

1 ŴaKorinte 13:10

kweni penipo chikazanga chakufikapo cho, cho chamalinga chikawayukanga.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Sumu 119:5

Mphanyi nthowa zangu zinguŵa zakufikapo pa kusunga marangu ghinu!

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Sumu 63:8

Mzimu wangu uskepere kwaku imwe; janja linu lakurghiya landikoreze.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

Sumu 94:15

Urunji ukasanirikanga so mu mphara zakweruzgiyamo, ndipo ŵakawurondonga wose wo mbakutuwamu mtima.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

Sumu 42:1

Mo mphala yiŵeŵefukiya misinji ya maji, viyo mzimu wangu uŵeŵefukiya imwe, A Chiuta.

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

ŴaRoma 8:39

chingana ndi wima, chingana ndi mtota, chingana nchakulengeka chose chamwenga, kuti chiziŵa kutipatuwa cha kutuwa ku chanju chaku Chiuta mwaku Yesu Kristu Ambuyafwe.

1 ŴaKorinte 9:24

Asi muziŵa kuti ŵakuchimbiya mu maphara ŵachimbiya wose, kweni yumoza ndiyu waronde mphotu? Chimbiyani viyo kuti muronde.

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

ŴaFilipi 1:1

Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,