ŴaFilipi 2:26 - Tonga Bible 1986

²⁶ pakuti waŵa wakumunwekani mose, ndipo wasuzgika ukongwa, chifukwa munguvwa kuti watama.

ŴaFilipi 2:26 Referans Kwoze

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

ŴaEfeso 3:13

Viyo na, ndiŵeyere imwe kuropwa cha mu mtima pa visuzgu vyangu vyapa chifukwa chinu, vyenivyo mbunkhankhu winu.

ŴaRoma 12:15

Kondwani pamoza ndi ŵakukondwa; tenjeni pamoza ndi ŵakutenje.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Nthanthi 12:25

Maghanughanu mu mtima wa munthu ghatimusiskiya pasi, kweni limazu lamampha litumukondweska.

ŴaFilipi 4:1

Viyo, mwa ŵabali ŵangu, ŵakwanjiwa ndi ŵakunwekeka, chimwemwe changu ndi chifuku changu ngangamikani viyo mu Mbuya, mwaŵakwanjiwa.

ŴaRoma 9:2

kuti nde nacho chitima chikuru ndi urwirwi wambura kulekezga mu mtima wangu.

Mateyu 26:37

Ndipo wakutole pamoza nayo Petro ndi ŵana ŵaŵi ŵaku Zebediya, wangwamba kukoreka lisungu ndi kusuzgika ukongwa.

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Sumu 69:20

Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.

2 Samuele 13:39

Ndipo mzimu wa karonga Davidi ungunweka kuruta kwaku Absalomu, pavuli pakusangaruskika ndi chitima chaku Amunone, yo wangufwa.

1 Petro 1:6

Mwaku weniwo mujikankhaŵiriya, chingana nkhuti mukasuzgikanga kamanavi sono mu mesedu ghamtundumtundu,

ŴaFilipi 1:3

Ndiwonga Chiuta wangu pakukumbuka kwangu kose kwa paku imwe.

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

2 ŴaKorinte 9:14

penipo iwo, mu niniziku lawo lapa chifukwa chinu, ŵanweke imwe chifukwa cha wezi wakuzungura waku Chiuta wapaku imwe.

1 ŴaKorinte 12:26

Ndipo asani chiŵaru chimoza chikomwa, viŵaru vyose vikomwe pamoza nacho; asani chimoza chirumbika, viŵaru vyose vikondwere pamoza nacho.

ŴaRoma 1:11

Chifukwa ndinweka kumwonani, alinga kuti ndikupaskeni chawezi chamzinu, alinga mukhozgeke;

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Jobu 9:27

Asani ndititi, ‘Nkharuwanga dinginyiko langu, ndazamusintha kawonekedu kangu ka chitima, ndi kuŵa walikondwa lamampha,’

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

ŴaFilipi 2:25

Kweni nge nkhu mbali yo Epafroditu, mteŵati munyangu ndi wakhondo-munyangu, nthumi yinu ndi mteŵeti waku ukavu wangu, ndingupima kuti nchakwenere kumutuma kwinu;

ŴaFilipi 2:27

Inya watamanga nadi, pafupi nyifwa: kweni Chiuta wamuchitiya lisungu, ndipo iyo pe so cha, kweni ine nane so, alinga kuti ndireke kuŵa ndi chisungu pachanya pa chisungu.