ŴaFilipi 2:22 - Tonga Bible 1986

²² Kweni umampha Timote muzi ŵa, mo nge ndi mwana ndi wiske, wateŵete pamoza nane mu kutaula uthenga wamampha.

ŴaFilipi 2:22 Referans Kwoze

1 ŴaKorinte 4:17

Chifukwa chenichi ndamtumiyani Timote, mwana wangu wakwanjiwa ndi wamagomekezgeka mu Mbuya, mweniyo wazamkumbuska imwe mendedu ghangu ghamwaku Kristu, uli ndimo kosekose ndisambizgiya mu mipingu yose.

2 Timote 1:2

kwaku Timote, mwana wangu wakwanjiwa: Wezi, lisungu, chimangu, kutuliya kwaku Chiuta Dada ndi kwaku Kristu Yesu Ambuyafwe.

1 Timote 1:2

kwaku Timote, mwana wangu mweni-mweni mu chivwanu: wezi, lisungu, chimangu, vyakutuliya kwaku Chiuta Dada ndi Kristu Yesu Ambuyafwe.

2 ŴaKorinte 2:9

Ichi ndichu chifukwa ndingulembe alinga kuti ndiziŵe ndikupanikizga vinu mwe ŵakuvwiya mu vinthu vyose.

1 Timote 1:18

Langulu lenili ndipazgiya iwe, Timote, wamwana wangu, uli ndi mauloska ghakukapo pako kali, alinga kuti mwaku gho ulipote homwa lo leneko,

2 ŴaKorinte 8:22

Ndipo tatumiya pamoza nawo mbali widu, mweniyo panandi tamsimika kuŵa mpusu mu vinthu vinandi, ndipo sono waŵa wakupusumpha ukongwa limu, chifukwa cha chigomekezgu chikuru, cho we nacho kuchiri kwinu.

Tito 1:4

kwaku Tito, mwana wangu mwenimweni mu chivwanu chamasanga. Wezi ndi chimangu kutuliya kwaku Chiuta Dada ndi Kristu Yesu Mtaski widu.

2 Timote 3:10

Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya,

ŴaFilipi 2:20

Chifukwa ndirive yumoza wakuyana nayo, yo wangaphwere kaunthu vya paku imwe.

2 ŴaKorinte 8:24

Viyo ŵarongoni, chisimisimi cha chanju chinu, ndi cha kujikuzga kwidu kwa pa chifwa chinu pa maso pa mipingu.

2 ŴaKorinte 8:8

Kuti ndikamba nge ndi langulu cha, kweni uli nkhweruzgiyapo mu phamphu la ŵanyake kurongo uneneska wa chanju chinu.

Machitidu gha Ŵakutumika 16:2

Mweniyo wangusimikizgika umamphavi ndi ŵabali ŵamu Lustra ndi Ikonio.

ŴaRoma 5:4

ndi unkhunthiya, nkharu; ndi nkharu; chigomekezgu;

1 ŴaKorinte 16:10

Kweni asani wazenge kwinu Timote, lereni kuti waŵe kwinu kwambura ofi, chifukwa watakataka mlimu wa Mbuya ulaka ndine.

ŴaFilipi 1:5

pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

ŴaFilipi 1:7

Nchakwenere kwaku ine kumughanaghaniyani, pakuti mu magoŵa ghangu ndi so mu chiŵekeru ndi chikhozgeru vya evangeli nde namwe mu mtima, pakuti mose mwe ŵakusangana nane wezi weniwo.

ŴaFilipi 1:12

Kweni ndikhumba kuti muziŵe, mwa ŵabali, kuti vyo vyandiŵiya nadi vyaŵiya mu kundovya kurutirizga evangeli;

ŴaFilipi 1:16

yaŵa nadi ŵatutuzgika ndi chanju, ŵaziŵa kuti nchifukwa cha kuvikiriya evangeli rekani ndisanirika pano ndiri;

1 Timote 4:6

Asani uŵakumbuska ŵabali ndi vyenivi, uŵenge mteŵeti mweneko waku Kristu Yesu, wakulereka mu mazu gha chivwanu, ndi gha chisambizgu cheneko chenicho warondo kuno ku le: