ŴaFilipi 2:11 - Tonga Bible 1986

¹¹ ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

ŴaFilipi 2:11 Referans Kwoze

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

ŴaRoma 14:11

Chifukwa kwalembeka, “Po ndiriri wamoyo ine, watiti Mbuya, ligwadiyenge ine gongonu lose, ndi lilime lose lizomerezgenge Chiuta.”

Yohane 13:13

Imwe mutinditamula, Msambizgi, ndi Ambuya: ndipo muneneska; chifukwa nde waviyo.

1 Yohane 4:2

Mwaku chenichi muziŵa Mzimu waku Chiuta: mzimu we wose wakuzomera kuti Yesu Kristu waziya mu liŵavu, ngwakutuliya kwaku Chiuta:

ŴaRoma 14:9

Chifukwa kwaku chenichi Kristu wangufwiya, ndi wajariya so wamoyo, alinga kuti waŵe Mbuya wa ŵakufwa ndi so wa ŵamoyo.

1 ŴaKorinte 12:3

Chakumziŵiskani nchakuti palive yumoza, wakukambiya mu Mzimu waku Chiuta, yo watiti, “Yesu ngwakutembeka”; ndipo palive yumoza waziŵa kukamba kuti, “Yesu ndi Mbuya,” kweni mu Mzimu Wakupaturika.

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.

Mateyu 10:32

“Viyo yose yo wakazomeranga ine paurongo pa ŵanthu, nane so ndakumzomera paurongo pa Ada wo ŵakuchanya.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Machitidu gha Ŵakutumika 2:36

“Yiziŵepo kaunthu viyo nyumba yose yaku Yisraele kuti Chiuta wamchita Mbuya ndi so Kristu, Mwenuyu Yesu yo imwe mungupayika.”

Yohane 9:22

Wapapi ŵake ŵakambanga ivi pakuti wopanga ŵaYuda: chifukwa ŵangupangana kali ŵaYuda, kuti asani yumoza wangamzomerezga kuŵa Kristu, wasezgekenge mu sinagoge.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

1 ŴaKorinte 15:47

Munthu yo wakudanga ngwa pasi, ngwadongu: munthu yo wachiŵi ngwa kuchanya.

ŴaRoma 15:9

ndi kuti Mitunduyo yikankhuski Chiuta chifukwa cha lisungu lake, uli ndimo kwalembeke, “Chifukwa chenichi ndimzomerezgeninga mu ŵaMitundu, ndipo mu zina linu ndimbiyenge.”

Yohane 20:28

Wangwamuka Tomase, wangunena nayo, “Ambuyangu ndi Chiuta wangu!”

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Yohane 12:42

Ndikweni chingana ndimu ŵara ŵanandi ŵanguvwana mwaku iyo; kweni chifukwa chakopa ŵaFarisi wo reka ŵatondekanga kumzomera pakweru vinu wangasezgeka ku sinagoge:

Luka 2:11

pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Sumu 18:49

Pa chifukwa ichi ndikamuwonganinga, Ambuya, mukati mu mitundu, ndi kumba mathamiko ku zina linu.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 13:14

Viyo asani ine, Ambuya ndi Msambizgi, ndasambiska marundi ghinu, namwe mutenere kusambiskana marundi.