ŴaFilipi 1:27 - Tonga Bible 1986

²⁷ Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaFilipi 1:27 Referans Kwoze

ŴaEfeso 4:1

Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya,

1 ŴaKorinte 1:10

Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

Yuda 1:3

Mwaŵakwanjiwa, pakutinthimikiya kukulembiyani vyapa utaski widu wamasanga, ndingukakamizgika kumlembiyani ndi kumchiskani kulimbiya pa chivwanu cho chaperekeka kamoza ku ŵakupaturika.

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.

ŴaFilipi 2:12

Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe;

ŴaFilipi 3:18

Chifukwa ŵatenda ŵanandi, ŵeniwo ndamkambiyani panandi, ndipo sono napu ndawakuliya ndikamba, kuti mbamawongu ŵa mphinjika yaku Kristu.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

Machitidu gha Ŵakutumika 4:32

Ndipo wenga umoza mtima ndi mzimu wa urapasi waku wo ŵanguvwana, ndipo pengavi so yumoza yo wakambanga kuti kanthu kaku vyo wenga navyo, kenga kaku yija; kweni vyawo vyose vyenga vyamasanga.

Sumu 133:1

Ehe, nkhwama mphambwenu ndi kwakunozga kuti ŵabali ŵaje pamoza!

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.

2 Petro 3:11

Pakuti vinthu ivi vyose vyazamsongonoka, kutenere imwe kuŵa ŵakutinji mu mendedu ghakhovu ndi mauwopa Chiuta,

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Yakobe 3:18

Ndipo chipasi cha urunji chimijikiya mu chimangu kwaku ŵeniwo mbakutata chimangu.

Filemone 1:5

pakuvwa chanju chako, ndi chivwanu cho we nacho ku Ambuya Yesu, ndi kwaku wose ŵakupaturika wo;

Tito 2:10

kuŵa ŵakuŵiringuwa cha, ŵalitolitoli cha, kweni ŵakurongo ukongorekwa wose wamampha; alinga kuti ŵadyoŵeske chirunguchizgu chaku Chiuta Mtaski widu mu vinthu vyose.

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho:

1 Timote 1:19

pakuŵa ndi chivwanu ndi njuŵi yamampha, yeniyo ŵanyake ŵajipankhuliya, ndipo ŵagaruka kuchiri ku chivwanu cho:

1 Timote 1:11

uli ndi evangeli wa unkhankhu waku Chiuta wakutumbikika, weniwo ine ndingugomekezgeka nawo.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Mateyu 12:25

Kweni Yesu, pakuziŵa marunguruku ghawo, wanguti kwaku wo, “Ufumu wose wakugaŵikana paku wija upopeskeka; ndipo muzi wose pamwenga nyumba yakugaŵikana paku yija, kuti yingama cha,

Nthanthi 22:23

pakuti Ambuya akaŵakambiyanga murandu wawo ndi kupoka umoyo waku ŵeniwo ŵapoka umoyo wawo.

1 ŴaTesalonika 3:6

Kweni sono po waza Timote kutuwa kwinu ndipakutigozge makani ghakunozga gha chivwanu chinu ndi chanju chinu, ndi kuti mutitikumbuka umamphavi nyengo zose, pakunweka kutiwona, nge ndimo ifwe nafwe tinweke kumuwonani imwe;

ŴaKolose 1:4

tati tavwa ndi chivwanu chinu mwaku Kristu Yesu, ndipo ndi chanju cho mwe nacho kwaku wose ŵakupaturika,

ŴaFilipi 2:24

Kweni ndigomekezga mu Mbuya kuti nane so ndamweni nkhazanga ruŵi.

ŴaEfeso 1:15

Chifukwa chenichi ine nane, ndatindavwa ndi chivwanu mu Ambuya Yesu cha mwinu, ndipo ndi chanju chinu cha ku ŵakupaturika wose,

ŴaEfeso 1:13

ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana,

ŴaGalatia 1:7

ndi kuti murata ku evangeli munyake; ndikweni kuti ngunyake cha: kweni ŵanyake ŵalipo wo ŵatumkweŵeskani, ndipo ŵakhumba kupepetuwa evangeli waku Kristu.

2 ŴaKorinte 9:13

Ŵeniwo ŵamkankhuskiya Chiuta mu karongoledu ka uteŵeti winu, chifukwa cha chithera cha chizomerezgu chinu ku evangeli waku Kristu, ndi chifukwa cha wanangwa wa mpasku winu wamasanga kwaku yiwo ndi kwaku wose;

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

ŴaRoma 15:29

Ndipo ndiziŵa kuti ndichiza kwinu ndisenge mu uzari wa chitumbiku chaku Kristu.

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

ŴaRoma 10:8

Kweni ghatitinji? Mazu nge pafupi pako mu mlomo wako, ndi mu mtima wako: ndigho mazu gha chivwanu, ghenigho timemeza: ghakuti,

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

ŴaRoma 1:5

mwaku mweniyo tarondere wezi ndi utumiki waku mvwiyu wa chivwanu mu ŵaMitundu wose, pa chifukwa cha zina lake;

Machitidu gha Ŵakutumika 24:24

Kweni ghanguti ghakapo mazuŵa ghanyake, wanguzako Feliko pamoza ndi Drusila, muwoli wake yo wenga muYuda, ndipo wangumudana Paulo ndipo wangumuvwa vyapa chivwanu mwaku Kristu Yesu.

Sumu 122:3

Yerusalemu wakuzengeka nge ndi msumba, wakutowa ndi wa kugumanizgika pamoza.

ŴaFilipi 1:5

pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

ŴaFilipi 3:20

Chifukwa ifwe msumba widu ngwa kuchanya, kutuwa kweniko tilindizga Mtaski, Mbuyafwe Yesu Kristu:

ŴaFilipi 4:1

Viyo, mwa ŵabali ŵangu, ŵakwanjiwa ndi ŵakunwekeka, chimwemwe changu ndi chifuku changu ngangamikani viyo mu Mbuya, mwaŵakwanjiwa.

1 Mikoka 19:12

Ndipo wanguti, “Asani ŵaSiriya ŵanditondenge, iku ukandovyanga; kweni asani ŵaAmoni ŵakutondenge, ndikakuwovyanga.