ŴaEfeso 6:9 - Tonga Bible 1986

⁹ Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

ŴaEfeso 6:9 Referans Kwoze

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

Machitidu gha Ŵakutumika 10:34

Ndipo Petro wangujura mlomo, ndipo wanguti, “Kwakuneneska nditeska kuti Chiuta ndi mrumbachisku cha;

ŴaRoma 2:11

chifukwa kwaku Chiuta ulive urumba chisku.

Luka 6:31

Ndipo uli ndimo mukhumbiya kuti ŵanthu ŵachitiye imwe, namwe so chitiyani iwo kwakulingana.

Mateyu 7:12

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Yakobe 2:8

Kweni asani mulifiska dangu laufumu, kwakuyana ndi lembo lo, “Wanjenge mwanase wako uli ndi wamweni,” muchita umamphavi:

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

Yohane 13:13

Imwe mutinditamula, Msambizgi, ndi Ambuya: ndipo muneneska; chifukwa nde waviyo.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

1 ŴaKorinte 7:22

Chifukwa yo wangudanikiya mu Ambuya, pakuŵa muŵanda, ndi mwanangwa mu Ambuya: kwakulingana nayo wangudanika pakuŵa mwanangwa, ndi muŵanda waku Kristu.

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Mateyu 24:48

Kweni asani muŵanda mweniyo mheni wanenenge mu mtima wake, ‘Ambuya ŵaswera,’

Mateyu 22:10

Ndipo ŵachituwa ŵaŵanda ŵa ku nthowa zo wanguto wose wo ŵangusaniya, ŵaheni ndi ŵamampha: ndipo nthengwa yo yinguzara nawo ŵazowara.

Mateyu 22:8

Sono watiti ku ŵaŵanda ŵake, ‘Nthengwa yarongosoleka kale, kweni ŵakudanika ŵengavi kwene.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Danyele 3:15

Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”

Danyele 3:6

ndipo yose yo wareka kugwada pasi ndi kuchisopa wapong'ekenge ruŵiruŵi mu ng'anjo ya moto.”

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Nehemiya 5:5

Sono nyama ya maliŵavu ghidu yikozgana ndi ya ŵabali ŵidu, ŵana ŵidu ŵakozgana ndi ŵana ŵawo, kweni tichichizga ŵana ŵidu ŵanthurumi ndi ŵanthukazi kuŵasanduska ŵaŵanda, ndipo ŵana ŵidu ŵanthukazi ŵemu uŵanda kale; kweni kuti mazaza ngidu cha kutuzgapo ichi, pakuti minda yidu ndi minda ya mphereska vyemu manja gha ŵanthu ŵanyake.”

1 Samuele 15:17

Samuele wanguti, “Nanga wemumana mu maso ghaku wamweni asi we mutu wa mafuku ghaku Yisraele? Ambuya akupaka kukupatuwa kuŵa karonga pa ŵaYisraele.

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

ŴaKolose 4:1

Mwaŵambuyau, cho nchakurunjika ndi chakuyamu ŵachitiyeni ŵaŵanda ŵinu, pakuziŵa kuti imwe namwe mwe nayo Mbuya kuchanya.