ŴaEfeso 6:10 - Tonga Bible 1986

¹⁰ Pakumariya, muŵe ŵanthazi mu Mbuya, ndi mu likongono la ukhomi wake.

ŴaEfeso 6:10 Referans Kwoze

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

ŴaEfeso 1:19

ndiwo ukuru wa nthazi yake kuchiri kwaku ifwe taŵakuvwana, nthazi uli ndi kachitidu ka ukumu wa nthazi zake,

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

2 Mikoka 15:7

Kweni imwe khwimani gwa, manja ghinu ghareke kutomboroka, chifukwa nchitu yinu yiŵenge ndi mphoto yake.”

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

1 Samuele 23:16

Ndipo Jonafani, mwana waku Sauli, wangusoka, wanguruta kwaku Davidi ku Horesi, kukhozga chiganga chake mwaku Chiuta.

Zekariya 8:9

Viyo ndimo anene Ambuya ŵa maŵanja; “Manja ghinu ghakhome, imwe mu mazuŵa yagha mwavwa mazu mu mlomo wa ŵamchimi, kutuwa ku zuŵa lo chiŵanja cha nyumba ya Ambuya ŵa maŵanja chinguzengeke; kuti kasopi wazengeke.

Marangu 31:23

Ndipo Ambuya angupaska mazaza Yoswa mwana munthurumi waku Nuni. Anguti, “Uŵe gwa, ndi wachiganga cheneko, pakuti ukatolenga ŵana ŵaku Yisraele mu charu cho ndingurapiya kuŵapaska. Ine ndikaŵanga pamoza nawe.”

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

1 Petro 3:8

Ndipo pakumariya, mose muŵe ŵakuyana mumtima, ŵakuvwiyapo pamoza, ŵakwanja ŵabali, ŵa chitima chamampha, ŵa mitima yakujiyuyuwa;

ŴaFilipi 3:1

Pakumariya mwa ŵabali ŵangu, kondwereni mu Mbuya. Kumlembiyani vyenivyo pe kuti kutindivuska cha, ndipo nge nkhwaku imwe nkhwakukhozga.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

1 Yohane 2:14

Ndikulembiyani, mwaŵana chifukwa mumziŵe mweniyo nga ku mtendeku. Ndikulembiyani, mwamajaha, chifukwa mwe ŵanthazi, ndipo mazu ghaku Chiuta ghaja mwaku imwe, ndipo mwampunda muheni yo.