ŴaEfeso 6:1 - Tonga Bible 1986

¹ Mwaŵana, vwiyani ŵapapi ŵinu muMbuya: chifukwa chenichi nchakurunjika.

ŴaEfeso 6:1 Referans Kwoze

Nthanthi 23:22

Tegherezga ku usu mweniyo wangukupapa, ndipo reka kunyoza nyoko penipo wakota.

Nthanthi 6:20

Wa mwana wangu, sunganga marangu gha ausu, ndipo ungajowonga kusambizga kwa anyoko cha.

Nthanthi 1:8

Yivwa wa mwana wangu chisambizgu cha ausu; ndipo ungakananga kusambizga kwa anyoko;

Marangu 21:18

“Asani munthu wendi mwana munthurumi munonono ndi wakugaluka, mweniyo ngwakukana kuvwiya mazu gha wiske pamwenga mazu gha nyina, ndipo chingana ŵatimupuma, kuti wati ŵaphwere cha;

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

1 Timote 5:4

Kweni asani choko chinyake che nawo ŵana pamwenga ŵazuku, ŵasambire yaŵa danga kuchitiya mbumba yaku ŵija ulemu, ndi kuwerezga ŵapapi ŵawo liwerezga chifukwa chenichi nchamarondeka mu maso ghaku Chiuta.

ŴaRoma 12:2

Ndipo mungajilinganizga ndi mgonezi uno cha: kweni mujisanduske mu kuchitika vifya vinjeru vinu, alinga kuti mwesenge imwe mo liriri khumbu lo laku Chiuta, lamampha ndi lamarondeka ndi lakufiskika.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

ŴaRoma 7:12

Viyo chilangulu cho nchakupaturika, ndipo langulu lo ndakupaturika, ndi lakurunjika, ndi lamampha.

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

1 Petro 2:13

Chifukwa cha Ambuya muthereskeke ku mutufu wose wakwatika ndi ŵanthu; pamwenga ku karonga, nge ngwapachanya limu;

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Nthanthi 30:11

Ŵalipo ŵeniwo ŵatemba auskeu, ndi kuti ŵatumbika ŵanyinawo cha.

Chiyambo 28:7

ndipo kuti Yakobe wanguvwiya awiske ndi anyina ndi wanguruta ku Padani-aramu.

Sumu 19:8

virunguchizgu vya Ambuya vyakunyoroka, vyakukondweska mtima; langulu laku Chiuta ndakutowa, lingweruska.

Estere 2:20

Estere wengavi kuvumbuwa ku ŵabali ŵake ndi ku mtundu wake, nge ndimo Mordikayi wangumupangizgiya chifukwa Estere wangumuvwiya Mordikayi nge ndi pa wamuleriyanga.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

ŴaRoma 16:2

kuti mumronde mu Mbuya, kwakwenere ŵakupaturika, ndi kuti mumovye mu chinthu chose chenicho wangapempha imwe; pakuti iyo nayo waŵa movya wa ŵanandi, ndi waku ine ndamweni.

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.

Chiyambo 37:13

Ndipo Yisraele wanguti kwaku Yosefe, “Ŵana ŵanyako asi ŵaliska viŵetu pa Shekemu? Zanga kuno, ndikakutumanga iwe kwaku wo,” ndipo wanguti kwaku iyo, “Nde pano.”

Yeremiya 35:14

Dangu lenilo Yonadabu mwana waku Rekabu wangupaska ku ŵana ŵake kureka kumwa vinyo, lasungika; ndipo kuti watumwa nanga nkhamana cha kufika ku zuŵa lino, pakuti ŵavwiya dangu la uskeu. Ndarongoro namwe kaŵikaŵi, kweni kuti mwanditegherezga cha.

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

1 Samuele 17:20

Davidi wangusoka ndi mlenji-lenji, mberere wanguzisiliya ŵakusunga, wangupinga vyakurgha, wanguruta, nge ndimo Jese wangumulanguliya; ndipo wangufika ku ugoŵi, wangusaniya nkhondo yiruta ku kurwana, uku ŵakambura gha kurwa.

Sumu 119:128

Viyo ndirongozga michapu yangu mu virunguchizgu vinu vyose; nthowa zose ziheni nditinkha.

Ruti 3:5

Ndipo wangwamuka, “Vyose vyo mukamba ndikachitanga.”

Yeremiya 35:8

Tavwiya mazu ghaku Yonadabu mwana waku Rekabu, wiskefwe, mwaku chose chenicho wangutilanguliya kumwa vinyo cha mazuŵa ghidu ghose, ifwe taŵeni, ŵawoli ŵidu, ŵana ŵidu ŵanthurumi pamwenga ŵana ŵidu ŵanthukazi,

Yeremiya 35:18

Kweni ku nyumba ya ŵina Rekabu, Yeremiya wanguti, “Viyo atiti Ambuya ŵa maŵanja, Chiuta waku Yisraele: Chifukwa mwavwiya dangu laku Yonadabu uskemwe, mwasunga kuchenjezga kwake kose, ndipo mwachita chose chenicho wangumulanguliyani,

Chiyambo 48:12

Sono Yosefe wanguŵatuzgapo pa makongono ghake, ndipo wangukotama kurazga chisku chake pasi.

Chiyambo 50:12

Viyo ndimu ŵangumuchitiya ŵana ŵake uli ndimo wanguŵalanguliya;