ŴaEfeso 5:6 - Tonga Bible 1986

⁶ Wangamfuvyani cha munthu yumoza ndi mazu ghaŵaka: pakuti chifukwa chaku vyenivi katuziya kandundu kaku Chiuta pa ŵana ŵa mtafu.

ŴaEfeso 5:6 Referans Kwoze

ŴaRoma 1:18

Chifukwa kandundu kaku Chiuta kavumbulika kutuwa kuchanya paku wose ŵanthu ŵambura kuziŵa Chiuta, ndi ŵalakwi; ŵeniwo ŵamika uneneska ndi ulakwi wawo;

Mateyu 24:4

Ndipo Yesu wakwamuka wanguŵanene, “Chenjeni vinu yumoza wangakurandizgani.

ŴaKolose 2:8

Thoŵani vinu munthu wangamuskowani mu zeru ndi fuzi yaŵakaŵaka, uli ndi mdauku wa ŵanthu, uli ndi vyamtendeku vya mizimu ya charu, ndipo uli nkhwakuyana ndi Kristu cha.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

ŴaKolose 3:6

chifukwa chaku vyenivyo katuza kandundu kaku Chiuta pa ŵana ŵa mtafu,

Marko 13:5

Ndipo Yesu wangwamba kuŵanene, “Cheŵani vinu yumoza wangakurandizgani.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

1 Petro 2:8

ndi, “Mwa wachiguŵisku, ndi jarawe la livwizu; Pakuti ŵaguŵa penipo, pakutafula pa mazu gho”; kwaku chenicho nacho ŵangutemeke.

2 ŴaTesalonika 2:3

Wangamufuvyani yumoza cha panthowa ye yose; pakuti lingaza cha, kwambura kuti chaŵapo danga chidezuka ndipo wavumbulika munthu yo wa ulakwi, mwana yo wa wanangiku,

ŴaKolose 2:4

Ndikamba chenichi, wangamrandizgani cha munthu yumoza ndi mazu ghakuwoja ŵaka.

Marko 13:22

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

Sumu 78:31

Chiuta wangukwiya paku iwo, ndipo wangubayapo ŵanthu ŵanthazi, ŵanyamata ŵakuzirwa ŵa ŵaYisraele!

ŴaHebere 3:19

Ndipo tiwona kuti ŵanguwuravi nthazi kwachisere chifukwa chakuŵavi chivwanu.

Mika 3:5

Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

Yeremiya 29:31

“Tuma ku ŵamikoli wose, kuti, ‘Ambuya atiti gha paku Shemaya waku Nehelamu: Chifukwa Shemaya wakuchimiyani penipo ine ndengavi kumutuma, ndipo wamuchitiskani kugomekezga utesi,

2 ŴaKaronga 18:20

Kumbi ughanaghana kuti mazu ghawaka ndigho nchenjezgu ndi nthazi ya nkhondo? Kumbi mphaku yani po wayegeme chovyo po wandigarukiya ine?

Yeremiya 27:9

Viyo rekani kutegherezga ku nchimi zinu, ŵavyanusi ŵinu, ŵakulota ŵinu, wakombeza ŵinu, pamwenga ŵakuwukwa ŵinu, ŵeniwo ŵatimuneniyani, ‘Kuti mukateŵetiyanga karonga wa Babiloni cha.’

Yeremiya 37:9

Viyo atiti Ambuya, Rekani kujipusika, kuti, “ŴaKaldiya ŵakatuwangako kwaku ifwe”; pakuti watuwengeko cha.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.