ŴaEfeso 5:5 - Tonga Bible 1986

⁵ Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

ŴaEfeso 5:5 Referans Kwoze

ŴaGalatia 5:21

zimbembi, mapambuku, viŵinu, mauloŵevu, vindimba, ndi vyakulingana navyo: kuchiri kwaku vyenivyo ndikuchenjezgiyani limu, nge ndimo ndingumuneniyani kali, kuti wakuchita vyaviyo kuti waherenge ufumu waku Chiuta cha.

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaEfeso 5:3

Kweni kungazumbulika mwinu cha chingana mbureŵi, chingana mbukazuzi wose, chingana nchiŵinu, uli nkhwakwenere ŵakupaturika;

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

ŴaGalatia 5:19

Ndipo milimu ya liŵavu njakuwoneka, yeniyo mbureŵi,

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Machitidu gha Ŵakutumika 8:21

Kuti we nacho iwe cha chigaŵa pamwenga mphenduzga mu mazu yagha: chifukwa mtima wako ulive kurunjika paurongo paku Chiuta.

Machitidu gha Ŵakutumika 20:32

Ndipo sono ndikuseserekezgani kwaku Chiuta, ndi ku mazu gha wezi wake, kwaku mweniyo ngwanthazi kukuzengani, ndi kukupaskani chihara mwaku wose ŵeniwo ŵapaturiskika.

ŴaKolose 1:13

Ndiyo wangutitaska ku mtufu wa mdima, ndipo wangutisamiskiya ku ufumu wa mwana wake wakwanjiwa;