ŴaEfeso 5:15 - Tonga Bible 1986

¹⁵ Viyo na, lereskani kaunthu po mutende, nge mbambura zeru cha, kweni nge mbazeru,

ŴaEfeso 5:15 Referans Kwoze

ŴaKolose 4:5

Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo.

Yakobe 3:13

Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

Nthanthi 14:8

Zeru ya munthu wakutakataka nkhuteska nthowa yake, kweni kupusa kwa ŵakupusa kupusika.

1 Timote 6:9

Kweni wo mbakukhumba kusambasa ŵatuwa mu kesedu ndi chikhwiriki ndi malikhumbira ghanandi ghazereza ndi gharwani, ghenigho ghose ghabizga ŵanthu mu chipasuka ndi wanangiku.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

ŴaGalatia 3:3

Mupusiyanji viyo na? Mwaŵakwandiya mu Mzimu, kumbi mufiskikiya sono mu liŵavu?

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

Mateyu 27:24

Ndipo Pilato, pakuwona kuti wengavi kovya kanthu, kweni ukongwa kuti chichitika chiwawa, wanguto maji, wangusamba mu manja paurongo pa mzinda wo, wakuti, “Nde wambura kalema ku ndopa za murunji uyu: kweniko mwaŵeni!”

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Mateyu 8:4

Ndipo Yesu wangunena nayo, “Awona, ungamunene yumoza cha; kweni kanga, kajirongo ku mzukuru, ndi upereke mpasku wo Mosese wangulanguliya, uli nchisimikizgu kwaku wo.”

ŴaEfeso 5:33

Kweni imwe namwe, yumoza ndi yumoza, yose wamwanjenge viyo muwoli wake waku yija nge ndi yija; ndipo muwoli wope murumi wake.

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

ŴaGalatia 3:1

Mwa ŵaGalatia mwaŵakupusa, njani warowa imwe, pa maso ghaku maŵenimwe Yesu Kristu wakupayikika wataulikiya pakweru?

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

Mateyu 25:2

Zinkhonde mwaku zo zenga zizereza, ndi zinkhonde zenga zazeru.

Sumu 73:22

ndenga wakupusa, ndipo kuti ndinguwamo cha; ndinguchitange ndi nyama pa maso pinu.

Nthanthi 15:21

Kupusa kukondwereska mweniyo walivi ghanaghano, kweni munthu wakuwamo watenda umampha.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.