1 Viyo muŵe ŵakumwezga Chiuta, uli mbana ŵakwanjiwa;
Mwaŵakwanjiwa, asani Chiuta wangwanja ifwe viyo, nafwe so titenere kwanjana.
kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.
Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.
Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;
Pakuti Ine nde Ambuya wo angukutuzgani mu charu cha Egipiti, kuŵa Chiuta winu; chifukwa chenichi mukaŵanga ŵatuŵa, pakuti Ine nde mtuŵa.”
Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;
alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.
Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.
Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”
alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu,
