ŴaEfeso 4:30 - Tonga Bible 1986

³⁰ Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

ŴaEfeso 4:30 Referans Kwoze

1 ŴaTesalonika 5:19

Mungazimwa Mzimu;

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Chiyambo 6:6

Ndipo Ambuya ŵenga ndi chitima kuti anguchita munthu mu charu, ndipo chinguŵakalariska mu mtima wawo.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaRoma 8:23

Ndi viyo pe cha, kweni taŵeni nafwe, taŵakuŵa ndi mruwuku wa Mzimu, nafwe titamanthiya mkatikati mwaku taŵeni, taŵakulindizga kuŵa ŵana, uwombozi wo wa maliŵavu ghidu.

ŴaRoma 8:11

Asani Mzimu waku Chiuta yo wanguyuska Yesu ku nyifwa, waja mwaku imwe, viyo yo wanguyuska Yesu ku nyifwa, wakapaskanga so umoyo ku maliŵavu ghino ghachifweni pakuŵa mu Mzimu mwaku imwe.

Marko 3:5

Ndipo wakuŵalereska kwakuzunguliya ndi chikwiya, wangukwininika pa unononu wa mitima yawo, ndipo watiti ku munthu yo, “Tambasuwa janja lako lo.” Ndipo wachatambasuwa, janja lake linguweremo.

Yesaya 43:24

Mulivi kundiguliya mijuŵa ya zinde ndi ndarama, pamwenga kundigutiska ndi mafuta gha mipasku yinu. Kweni mwandizitiska ndi mauheni ghinu, ndipo mwandivuska ndi mphurupuru zinu.

Sumu 78:40

Nkhanandi ukongwa ko ŵangumugarukiya mu bozwa; nyengo zinandi ŵangumuchitiska chitima!

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

Yesaya 7:13

Ndipo wanguti, “Avwani iku, mwa nyumba yaku Davidi! Kumbi nkhanthu kamanavi kwaku imwe kuvuska ŵanthu, ndi kuti muvuska so Chiuta wangu?

Ezekiele 16:43

Wandisuzga ndi vinthu vyose ivi, chifukwa ulivi kukumbuka mazuŵa gha pa umwali wako; chifukwa cho awona, ndikawezgiyanga nchitu zako pa mutu wako, atiti Ambuya Chiuta. “Kumbi asi wachita maureŵi kusazgiyapo pa maunyakazi ghako ghose?

Sumu 95:10

Virimika machumi ghanayi ndingukwiyiskika ndi mgonezi uwa; rekani ndinguti, ‘Mbanthu ŵakuranda mu mtima! Ŵakana kuvwiya marangu ghangu!’

ŴaHebere 3:10

Viyo na ndingukaraliskika nayo mphapu yeniyi, ndipo ndinguti, ‘Rutaruta ŵarandiyarandiya mu mitima yawo: kweni iwo kuti ŵanguziŵa cha nthowa zangu.’

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

ŴaHebere 3:17

Ndipo mbayani wo ŵanguŵatundiriya virimika machumi ghanayi? Asi mbakulakwa wo, vyaku ŵeniwo vitanda vinguwa mu buzwa lo?

1 ŴaKorinte 15:54

kweni penipo lachivuzi lenili lavwara uwura-chivuzi, ndi lachifweni lenili lavwara uwura chifweni, po ndipo ghamukuŵapo mazu gho ghakulembeka, “Nyifwa yamezeke mu upundi!

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

Luka 21:28

Kweni vichamba kuŵapo vyenivyo, yinuskani ndi tumphuskani mitu yinu; pakuti uŵandika uwombozi winu.”

Yohane 3:33

Yo waronde chipanikizga chake, watijizighiriya kuti Chiuta ndiyo mneneska.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?