ŴaEfeso 4:26 - Tonga Bible 1986

²⁶ Tundiyani, ndikweni mungalakwanga cha: pa chikaralizga chinu lingasere dazi cha:

ŴaEfeso 4:26 Referans Kwoze

Yakobe 1:19

Muziŵa chenichi, mwa ŵabali ŵangu ŵakwanjiwa. Kweni munthu yose waŵe mupusu kwachivwa, wachizita kurongoro, wachizita ku kandundu;

Sumu 4:4

Karipani, kweni rekani kunanga; kambani ndi mitima yinu pa vita vinu, ndi kuja chisisi.

Sumu 37:8

Tuwako ku ukari, utaye kandundu! Reka kujikweŵeska, ichi chirongozge ku kwananga.

Wakutaula 7:9

Reka kukaripa ruŵi, pakuti kukaripa kugona mu chifuŵa cha ŵakupusa.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 19:11

Ghanaghanu lamampha likanizga munthu kukara ruŵi, ndipo mbunkhankhu wake, kugowoke kunanga.

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Marko 3:5

Ndipo wakuŵalereska kwakuzunguliya ndi chikwiya, wangukwininika pa unononu wa mitima yawo, ndipo watiti ku munthu yo, “Tambasuwa janja lako lo.” Ndipo wachatambasuwa, janja lake linguweremo.

Maŵerengedu 20:24

“Aroni wakatorekiyanga ku ŵanthu ŵake; chifukwa pa maji ghaku Meriba, mungumikana ndi langulu langu, ndipo kuti wamusere mu charu cho ndikupaska ŵaYisraele cha.

Marko 10:14

Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Nthanthi 25:23

Mphepo yaku nkhonde yituza ndi vuwa, ndipo lilime lakusuza, lirereska kwa ukari.

Chituwa 11:8

Ndipo ŵaŵanda ŵinu wose yaŵa ŵakasikiyanga kwangu, ndi kuŵeramiya ine, ndi kuti, ‘Tuwanimo, ndi ŵanthu wose wo ŵatikurondo’. Ndipo pavuli pake ine ndikatuwanga.” Ndipo wangutuwako kwaku Farao ndi mtima wakufya.

Marangu 24:15

Mukamupaskanga mphoto yake pa zuŵa lenilo wamaliya kuteŵeta, dazi lenga lindasere (pakuti ngwakusauka, ndipo wakhumba malipiro), vinu wangakuliriyani ku Ambuya, ndipo mungachita uheni.

Yakobe 1:20

chifukwa kandundu ka ŵanthu kuti katataliya urunji waku Chiuta cha.

1 Samuele 20:34

Jonafani wangusoka kutuwapo pa gome ndi mtima wakukwiya ukongwa, ndipo kuti wangurgha cha pa zuŵa la chiŵi la mwezi, pakuti wanguŵa wachitima ndi Davidi, chifukwa awiske ŵangumurengeska.