ŴaEfeso 4:22 - Tonga Bible 1986

²² muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

ŴaEfeso 4:22 Referans Kwoze

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

ŴaHebere 12:1

Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,

Yakobe 1:21

Chifukwa chenichi pakuzuwa ukazuzi wose ndi uheni wakuwanda, rondani mu upovu mazu ghaku pandika, gho nganthazi kutaska mizimu yinu.

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

ŴaEfeso 4:17

Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo,

2 Petro 2:13

ndi kulangika ndi mphotu ya ulakwi. Ŵapima ujira wa msana uli ndi likondwa, ŵakufipa ndi ŵamidoko, ŵakulakwa mu fuzi zawu ŵachirgha pamoza namwe!

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

ŴaKolose 2:11

Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Jobu 22:23

Asani uwere ku Wanthazizose, ndi kujiyuyuwa, asani utuzgapo uheni pa hema lako,

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

Obadiya 1:3

Kujikuzga kwa mtima wako kwaupusika, iwe uja mu zimphanji za majarawi, wamweniwe malo ghako ghakujapo ghe pachanya, iwe mu mtima wako ukamba, “Njani wandisiskiyenge pasi pa dongo?”

2 Petro 2:7

ndipo wangumtaska Lote murunji yo, mweniyo wasuzgikanga ukongwa ndi kajaridu kaheni ka ŵachikana marangu wo,

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

ŴaGalatia 1:13

Chifukwa mwavwa mo ndajariyanga kale mu chisopa cha chi Yuda, mwakuti ukongwa viŵi ndaŵembanga eklesiya lo laku Chiuta, ndipo ndalipopotanga:

1 Samuele 1:14

Ndipo Eli wangumufumba, “Ukaŵanga wakuloŵe mpaka zuŵanji? Utuzepo vinyo wako.”

ŴaRoma 7:11

Chifukwa ulakwi wo, pakutendeke mu langulu lo, ungundifuvya, ndipo mwaku lo ungundibaya.

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose: