ŴaEfeso 4:21 - Tonga Bible 1986

²¹ asani mwamuvwa, ndipo mwaku iyo mwasambizgika, mo uliri uneneska mwaku Yesu;

ŴaEfeso 4:21 Referans Kwoze

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

ŴaEfeso 1:13

ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana,

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

2 ŴaKorinte 11:10

Po nadi uneneska waku Kristu we mwangu, palivi cho chindikanizgenge kujikuzga uku mu vigaŵa vyaku Akhaia.

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

ŴaRoma 10:14

Kweni ŵadanenge uli paku mweniyo ŵalive kuvwana mwake? Ndipo ŵavwanenge uli mwaku yo ŵalive kumuvwa? Ndipo ŵavwenge uli kwambura ŵakutaula?

ŴaEfeso 2:17

ndipo wanguzamtauliya chimangu kwaku imwe mwaŵakutari, ndi kwaku wo ŵakufupi:

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,