ŴaEfeso 4:14 - Tonga Bible 1986

¹⁴ kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

ŴaEfeso 4:14 Referans Kwoze

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

2 ŴaKorinte 2:17

Chifukwa kuti te nge mbanandi wo cha, ŵakukazuzga mazu ghaku Chiuta: kweni nge mbanthu ŵaneneska, ŵakupakika ndi ŵakupatulika ndi Chiuta, mu maso ghaku Chiuta, tirongorore mwaku Kristu.

Yakobe 1:6

Kweni wapempheyenge mu chivwanu, ndi kukangang'a kanthu cha: chifukwa yo wakangang'a wakozgana ndi jigha la nyanja lakuputiskika ndi lakuchupulika.

ŴaEfeso 6:11

Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

2 Timote 4:3

Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

ŴaGalatia 3:1

Mwa ŵaGalatia mwaŵakupusa, njani warowa imwe, pa maso ghaku maŵenimwe Yesu Kristu wakupayikika wataulikiya pakweru?

Mateyu 24:11

Ndipo ŵamchimi ŵatesi ŵanandi ŵayukenge, ndipo ŵarandizgenge ŵanandi.

1 Yohane 2:26

Vyenivi ndikulembiyani paku wo ŵakurandizgani.

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

Yesaya 28:9

“Mbayani wo ŵakarunguchizganga zeru, ndipo nkhwakuyani ko wakonkhoskiyenge uthenga? Wo ŵakuleka konkha, wo ŵakutuzgikako ku maŵe?

2 ŴaKorinte 4:2

Kweni takana vyachibisibisi vyasoni, taŵakwendaendamu uchenjezi cha, pamwenga ŵakuchitiya kwafuzi ndi mazu ghaku Chiuta cha, kweni mu karongoroledu ka uneneska wakujirongo ku njuŵi za munthu yose paurongo paku Chiuta.

Mateyu 11:7

Ndipo ŵachiruta iwo, wangwamba Yesu kukambiya mizinda yo gha paku Yohane, “Munguturiya kubozwa lo kwachiwona chine? Dete lakusukuniskika ndi mphepu kumbi?

1 ŴaKorinte 12:2

Muziŵa kuti penipo mwenga ŵamtundu, mwarandizgikiyanga ku vyangoza vyambuwu, kose kweniko mwagumizgikiyanga.

Machitidu gha Ŵakutumika 23:21

Viyo imwe mureke kuyirukiya kwaku yiwo: chifukwa ŵamraliya ŵanthurumi ŵamwaku wo ŵakuruska machumi ghanayi ŵeniwo ŵajirapiya ndi tembu kurgha cha, chingana nkhumwa, mpaka ŵambaya: ndipo sono mbakurongosoleka, ndipo ŵalereze phanganu lakutuliya kwinu.”

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Sumu 59:3

Chifukwa, awonani, ŵaraliya umoyo wangu; ŵanthu ŵakofya ŵachome paku ine. Kuti nkhupuruka pamwenga kunanga kwangu cha, Ambuya,

Sumu 10:9

Wabisama ndi kukhazgha kuko nge ndi nkharumu mu malo ghake, wapenja ŵasauchi, kuŵakore mu chiŵana chake.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

Yakobe 3:4

Awonani, ngaraŵa nazo, chingana zikuru, ndipo zigumizgika ndi mphepu zikali, zipetulika ndi sigiru yimanavi, kweniko kose wakupetuwa watizipeturiya.

1 Timote 3:6

Mteta cha, vinu pakututumuka wangawiya mu chisusa cha diabolo.

2 Timote 1:15

Uziŵa chenichi, kuti ŵapambukako kwangu wose ŵamu Asia; ŵaku ŵeniwo ndi Fugelo ndi Hermogene.

1 ŴaKorinte 3:19

Chifukwa kwaku Chiuta zeru ya charu chino nkhupusa. Chifukwa kwalembeka, “Ngwakuŵakole ŵazeru mu uchenjezi wawo,”