ŴaEfeso 4:12 - Tonga Bible 1986

¹² kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu;

ŴaEfeso 4:12 Referans Kwoze

ŴaEfeso 4:16

kutuwa kwaku mweniyo liŵavu lose lo, pakuyaniskirana ndi kurunjiskirana mu fundu yose yakuninkhikako, likuliya kwakulingana ndi kachitidu kakwenere ka chigaŵa che chose, chimoza ndi chimoza, viyo kuti liŵavu lo lijizenga mu chanju.

1 ŴaKorinte 12:27

Kweni imwe mwe liŵavu laku Kristu, chiŵaru che chose mu chigaŵa.

ŴaRoma 15:14

Kweni ine ndamweni ndakhorwa mwaku imwe, mwa ŵabali ŵangu, kuti imwe namwe muzara umampha, pakutizika mziŵiru wose; ŵanthazi so kuchiskana.

1 ŴaKorinte 14:26

Na kwati, mwa ŵabali? Penipo muwunjikana, yose we ndi sumu we ndi chisambizgu, we ndi uvumbuzi, we ndi karongoroledu, we ndi ching'anamuwa. Vinthu vyose vichitikiye kuuzengi.

ŴaRoma 14:19

Viyo tivirondonge vya chimangu, ndi vyo vyakuzengana:

1 Timote 1:12

Nditumuwonga yo wangundinthaziska, Kristu Yesu Ambuyafwe, mwakuti wangundipima wamagomekezgeka, pakujiŵikiya ine mu uteŵeti;

1 ŴaKorinte 14:12

Viyo so imwe namwe, muchikhumbira vyawuvumbuzi wa vya mzimu, vilembeni mwakuti muruske pa kwachizenge navyo eklesiya lo.

ŴaHebere 13:17

Vwiyani ŵarongozgi ŵinu, ndipo ŵatheriyeni: chifukwa iwo ŵalindiya pa chifwa cha mizimu yinu, uli mbeniwo ŵamkamba likonkhoska; alinga ŵalichite ndi chimwemwe, ndipo ndi kudinginika cha: chifukwa chenichi chingaŵiya imwe chambura chanduku.

ŴaHebere 6:1

Viyo pakusiya mazu ghakutendeka gho ghaku Kristu, titinthimikiye ku mfisku wo; kujarika so cha chiŵanja cha chipe cha kutuwako ku nchitu zakufwa, ndi cha chivwanu chamwaku Chiuta,

2 ŴaKorinte 6:3

Taŵa kuchitiya chingana njumoza guŵisku mu kanthu kose, cha, alinga kuti uteŵeti widu ureke kususkika;

2 ŴaKorinte 5:18

Kweni vyose ivi vituliya kwaku Chiuta, yo watanjaniskiya kwaku yija mwakuKristu, ndipo wapaska ifwe uteŵeti ndi wa chanjanisku;

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

2 Timote 4:5

Kweni iwe uzize mwaku vyose, kunthiyapo uheni, chita mlimu wa evangeli, fiska uteŵeti wako.

ŴaKolose 4:17

Ndipo muneniyeni Arkipo kuti, “Fiska uteŵeti wo waronde mu Mbuya.”

ŴaKolose 1:28

Ndiyo titaula ifwe, taŵakuchenjezga munthu yose ndikusambizga munthu yose muzeru yose, alinga kuti tipereke munthu yose wakufiskika mwaku Kristu.

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

ŴaEfeso 1:23

ndilo liŵavu lake, uzali wo waku mweniyo wazaziya vyose mwaku vyose.

2 ŴaKorinte 12:19

Kumbi mughanaghana kuti nyengo yose iyi mbwenu tarongoroliyanga kupenja kujivikiriya kwaku imwe? Paurongo paku Chiuta tirongorole mwaku Kristu, ndipo vyenivyo, vyose, mwaŵakwanjiwa, vye pa chifwa chakuzenga imwe.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

2 ŴaKorinte 3:8

na uli ukongwako asi uteŵeti wa mzimu ukaŵanga ndi unkhankhu ukuru?

1 ŴaKorinte 14:14

Chifukwa asani ndirombe mu karongoroledu, Mzimu wangu uromba, kweni vinjeru vyangu viura chipasi.

ŴaRoma 15:29

Ndipo ndiziŵa kuti ndichiza kwinu ndisenge mu uzari wa chitumbiku chaku Kristu.

ŴaRoma 15:2

Yose, yumoza ndi yumoza waku ifwe, wakondweske mwanasi wake pakumchitiya umampha, kwachimzenga.

ŴaRoma 12:7

pamwenga uteŵeti, titakatakiye mu uteŵeti widu, pamwenga wakusambizga, mu usambizgi wake;

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

Machitidu gha Ŵakutumika 1:25

rongoni mwaku wo ŵaŵi yo mwamsankhiya kuronde chigaŵa cha uteŵete uwu ndi utumi kwaku weniwo wangudezukako Yuda, kwachiruta ku malo ghapa mtima wake.”

Machitidu gha Ŵakutumika 1:17

Pakuti wangupendeke pamoza nafwe, ndipo wanguronde chigaŵa chake cha uteŵeti uwu.

2 Timote 4:11

Luka walipo yija pamoza nane. Wati wato Marko, zanga nayo pamoza ndi wamweni: chifukwa ku uteŵeti ngwakovya kwaku ine.

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

ŴaEfeso 4:4

Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu;

2 ŴaKorinte 13:9

Chifukwa tikondwa, penipo titomboroka ifwe, ndipomwe ŵanthazi imwe: chenichi nacho tirombe, kukongora kwinu,

1 ŴaKorinte 12:7

Kweni ku munthu we yose, yumoza-yumoza, kwapaskika uvumbuzi wa Mzimu kwachimovye mu vyamampha vyose.

ŴaRoma 12:5

Viyo nanga teŵanandi te liŵavu limoza mwaku Kristu, kweni tose teviŵaru chimoza cha chinyake.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.