ŴaEfeso 3:5 - Tonga Bible 1986

⁵ ghenigho mu migonezi yinyake ghengavi kuziŵikwa ku ŵana ŵa ŵanthu, uli ndimo sono ghavumbulikiya ndi Mzimu ku ŵakutumika ŵake ŵakupaturika ndi ŵamchimi;

ŴaEfeso 3:5 Referans Kwoze

Yuda 1:17

Kweni imwe, mwaŵakwanjiwa, kumbukani manenedu ghenigho ghanguneneke limo ndi ŵakutumika ŵaAmbuya Yesu Kristu;

2 Petro 3:2

kuti mukumbukedi manenedu gho ghangukambikiya limu ndi ŵamchimi ŵakupaturika, ndi langulu so la Ambuya ndi Mtaski lakukambika ndi ŵakutumika ŵinu.

ŴaEfeso 2:20

ndi ŵa ŵanambumba ŵaku Chiuta, pakuzengeka pa chiŵanja cho cha ŵakutumika ndi ŵamchimi, Kristu Yesu mweneko wakuŵa chikhozge-nyondo;

ŴaEfeso 3:9

ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose;

Machitidu gha Ŵakutumika 10:28

Ndipo wangunena nawo, “Imwe muziŵa kuti nkhwamwikhu ku munthu mu Yuda kwenderana nayo wa mtundu unyake pamwenga kuza kwake; ndikweni Chiuta wandirongo kuti ndingamzumbuwa cha munthu waŵaka pamwenga wawiyu.

Luka 10:24

Chifukwa ndikuneniyani, kuti ŵamchimi ŵanandi ndi ŵakaronga ŵangukhumba kuwona vyo muwona imwe ndipo kuti ŵanguviwona cha; ndi kuvwa vyenivyo mutuvwa, ndi kuti ŵanguvivwa cha.”

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Mateyu 13:17

Chifukwa nadidi ndikuneniyani kuti ŵanandi ŵamchimi ndi ŵarunji ŵangunweka kuwona vyo mulereska, ndipo kuti ŵanguviwona cha; ndi kuvwa vyo mulereska, ndipo kuti ŵanguviwona cha; ndi kuvwa vyo mutuvwa, kweni kuti ŵanguvivwa cha.

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

Mateyu 23:34

Chifukwa chenichi, wonani, nditumizga kwaku imwe ŵamchimi ndi ŵazeru ndi ŵalembi: ŵaku wo mubayengepo ndi mupayikenge, ŵaku wo mukwechuwengepo ŵanyake mu masinagoge ghinu, ndipo muŵadikiskenge ku muzi ndi muzi,

Luka 11:49

Chifukwa chaku chenichi zeru nayo yaku Chiuta yinguti, ‘Nditumizgiyenge kwaku wo ŵamchimi, ndi ŵakutumika; ndipo ŵabayengepo ndi ŵandondoloskengepo ŵaku wo;’

Yesaya 52:15

viyo ndimu wachuruskiyenge mitundu yinandi; ŵakaronga ŵakasunamanga milomo yawo chifukwa chaku iyo, pakuti cho chengavi kutaulikiya iwo ŵakachiwonanga, ndipo chenicho ŵengavi kuchivwa ŵakawangamo.

1 ŴaKorinte 2:10

Kweni Chiuta wavivumbuliya kwaku ifwe mu Mzimu. Pakuti Mzimu yo wapenjapenja vinthu vyose, wapenja ndi vyandimba vyaku Chiuta.

Mateyu 20:7

Wangumunene, ‘Chifukwa paŵavi yumoza yo watilemba.’ Waŵanene, ‘Kaninga mwe so ku mundawo wa mphereska.’