ŴaEfeso 3:17 - Tonga Bible 1986

¹⁷ kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 3:17 Referans Kwoze

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Luka 6:48

Wakozgana ndi munthu wakuzenga nyumba mweniyo wangukumba pasi ndi wangunyonyoska, ndi wanguŵika chiŵanja pa jarawe: ndipo pakuŵapo zandi, msinji ungukukurwiyapo pa nyumba yiya, ndipo yengavi nthazi kuyisukung'a: chifukwa yinguzengeka umampha.

Mateyu 13:6

lati lakwera dazi zinguŵauka; ndipo chifukwa zengavi nkhorozu, zingumira.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Yohane 6:56

Wakurgha nyama yangu ndi wakumwa ndopa zangu waja mwaku ine, ndi ine mwaku iyo.

1 ŴaKorinte 8:1

Kweni nge nkhwaku vyo vyabayikiya vyangoza: tiziŵa kuti tose te ndi mziŵiru. “Mziŵiru wo utukumuska,” Kweni chanju ndicho chizenga.

1 ŴaKorinte 3:6

Ine ndingupanda, Apolo wangudiriya maji; kweni Chiuta ndiyo wangumezga.

2 ŴaKorinte 13:5

Mujese, vinu mwe ŵakukoleze chivwanu cho mujirozge mwaŵeni. Pamwenga kumbi mureka kujiziŵiya, kuti Yesu Kristu we mwinu? Vinu kokuli mwe ŵakupatika.