ŴaEfeso 2:16 - Tonga Bible 1986

¹⁶ ndipo kuti mu liŵavu limoza wasopeskane wo ŵaŵi kwaku Chiuta mu mphinjika yo, pakubayiya umawongu wo mwenimo:

ŴaEfeso 2:16 Referans Kwoze

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

ŴaKolose 2:14

wati wasisita chikoli cho paku ifwe chakurembeka mu langulu, cho chingupindikana nafwe: chenicho so watuzgamo mukati mwidu, pakuchikhoma ku mphinjika yake;

ŴaEfeso 2:15

wati wakotole limu mu liŵavu lake umawongu wo, chilangulu nacho cha marangu ghakulamulika; alinga kuti mwaku yija waŵalenge wo ŵaŵi munthu yumoza mufya, ndi kuchata viyo chimangu;

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

1 ŴaKorinte 10:17

Pakuti chiripo chiŵande chimoza, ifwe taŵanandi te liŵavu limoza; chifukwa tose tisanganapo pa chiŵande cho chimoza.

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

ŴaEfeso 4:4

Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu;

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.