ŴaEfeso 2:13 - Tonga Bible 1986

¹³ Kweni sono mwaku Kristu Yesu imwe, mwaŵakuŵa kutari kali, mwanderezgeka kufupi mu ndopa zaku Kristu.

ŴaEfeso 2:13 Referans Kwoze

Machitidu gha Ŵakutumika 2:39

Chifukwa chipanganu cho che kwaku imwe, ndi ku ŵana ŵinu, ndi kwaku wose ŵakutari, wose wo wangajidaniya Mbuya Chiuta widu.”

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Yesaya 43:6

Ndikakambiyanga nkhonde, ‘Pereka,’ ndi ku malaŵi, ‘Ungakaniliyanga cha;’ wawezge ŵana ŵangu ŵanthurumi kutuwa kutali ndi ŵana ŵangu ŵanthukazi kutuwa kuchigoti cha charu chapasi,

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

ŴaEfeso 2:12

kumbukani kuti pa nyengo yiya mwenga pade pambura Kristu, ŵakugaukako ku ufumu wakuYisraele, ndi ŵalendo ku marayizganu gha chipanganu cho, ŵambura chigomekezgu ndi ŵambura kuziŵa Chiuta mu charu.

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Sumu 22:7

Wose wo ŵatindiwona ŵatindiwera, ŵanyumba milomo paku ine, ŵapukung'a mitu yawo.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

ŴaHebere 9:18

Chifukwa chenichi chingana nchipanganu chakudanga cho kuti chinguserezgeka kwambura ndopa cha.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

Machitidu gha Ŵakutumika 22:21

Ndipo wangudinene, ‘Rutanga; pakuti ine nkhakutumanga kutariko ku mitundu.’ ”

Machitidu gha Ŵakutumika 15:14

Simoni wakonkhoma mo Chiuta pa mtendeku wangulereske mu ŵaMitundu kwachitole zina lake khamu.

Yesaya 60:9

Pakuti vyaru vyamu malikumba vikandilindizganga, ngaraŵa zaku Tarshishi ndizo zikadanganga, kuza ndi ŵana ŵako ŵanthurumi kutuwa kutali, ŵakupinga siliva ndi golide wawo pamoza nawo, kupingiya zina la Ambuya Chiuta winu, ndi chifukwa cha Mtuŵa Yumoza waku Yisraele, chifukwa wamukankhuskani imwe.

Yesaya 60:4

Soska maso ghako kwakuzunguliya ndi wona; wose ŵawungana pamoza, ŵatuza kwako; ŵana ŵako ŵanthurumi ŵakatuwanga kutali, ndipo ŵana ŵako ŵanthukazi ŵakanyamulikanga mu manja.

Yesaya 49:12

Inya, yaŵa ŵakatuwanga kutali, inya, yaŵa ŵakutuwa ku nkhonde ndi kuzambwe, ndi yaŵa kutuwa ku charu cha Siyene.”

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

ŴaEfeso 1:1

Kalata wakutuwa kwaku Paulo, wakutumika waku Kristu Yesu mu khumbu laku Chiuta, ku ŵakupaturika wo ŵe mu Efeso, ŵamagomekezgeka mwaku Kristu Yesu.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

ŴaEfeso 2:6

ndipo wangutiyuska pamoza nayo, ndi kutijarika pamoza nayo mu vyakuchanya vyo, mwaku Kristu Yesu.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.