ŴaEfeso 2:12 - Tonga Bible 1986

¹² kumbukani kuti pa nyengo yiya mwenga pade pambura Kristu, ŵakugaukako ku ufumu wakuYisraele, ndi ŵalendo ku marayizganu gha chipanganu cho, ŵambura chigomekezgu ndi ŵambura kuziŵa Chiuta mu charu.

ŴaEfeso 2:12 Referans Kwoze

ŴaGalatia 4:8

Kweni pa nyengo yiya, mwengavi kuziŵa Chiuta, munguŵa ŵaŵanda kwaku wo pa kawi kuti mbachiuta cha.

ŴaKolose 1:21

Ndipo imwe, mwaŵakuŵa kali ŵakugawukako ndi ŵarwani mu kaghanaghanidu, mu nchitu zinu ziheni,

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

1 ŴaTesalonika 4:13

Kweni kuti tikhumba cha, mwa ŵabali, kuti mureke kuziŵiyapo paku wo mbakura tulo; alinga kuti mungafwa chisungu cha, nge mbanyake nawo wo ŵalive chigomekezgu.

ŴaEfeso 4:18

pakufipizgika mu chiteska, ndi kugaukako ku umoyo waku Chiuta chifukwa cha ujira wo we mwawo, ndi chifukwa cha unononu wa mtima wawu;

Ezekiele 37:26

Ndikapangananga nawo phanganu la chimangu; likaŵanga phanganu la muyaya ndi iwo; ndiŵatumbikenge ndi kuŵandaniska ndipo ndikajarikanga malo ghangu ghakupaturika mukati mwawo muyaya.

1 ŴaTesalonika 4:5

mu ulakalaka wa likhumbira cha, nge ndi mitundu yakuura kumziŵa Chiuta;

Yohane 15:5

Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

ŴaRoma 9:8

Uku ndiku kuti wo ŵakupapika ku liŵavu pe kuti mbana ŵaku Chiuta cha; kweni wo ŵakupapika chifukwa cha chipanganu chaku Chiuta ndiwo mbeu yake yeneko.

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

1 Petro 3:15

Kweni patuwani Kristu uli ndi Mbuya mu mitima yinu: pakurongosoleke nyengo zose kumwamuka yose wakumfumbani chifukwa cha chigomezgu chamwinu, kweni ndi upovu ndi wofi;

Machitidu gha Ŵakutumika 28:20

Viyo chifukwa chenichi ndakudanani, kuti ndimuwoneni ndi kukamba namwe: pakuti chifukwa cha chigomezgu chaku Yisraele ndimangika ndi mkoŵa wenuwu.”

Machitidu gha Ŵakutumika 3:25

Imwe mwe ŵana ŵa ŵamchimi wo, ndi ŵa chipanganu cho wangupangana Chiuta ndi auskemwe, wachikamba ndi Abrahamu, ‘Mu mbeu yako ndimo zamtumbikikiya mbumba zose za panupasi.’

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

1 Yohane 3:3

Ndipo munthu yose wakuŵa nacho chigomekezgu chenichi paku iyo, wajitozga ulaka ndimo waliri wakutowa Yuwa.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

ŴaHebere 11:34

ŵanguzimwa nthazi ya moto, ŵangupozomoka ku uyi wa lipanga ŵanguthaziskika mu unthomboru, ŵanguŵa ŵakukhwima mu nkhondo, ŵanguthereska maŵanja gha ŵalendo.

1 Timote 1:1

Kalata wakutuwa kwaku Paulo wakutumika waku Kristu Yesu, uli ndi langulu laku Chiuta Mtaski widu, ndi laku Kristu Yesu, Chigomekezgu chidu,

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.

Luka 1:72

kwachichitiya lisungu ku auskefwe, ndi kwachikumbuka phanganu lake lakupaturika;

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yesaya 45:20

“Mujiwungang'e ndi muzenge, ndereni pafupi pamoza, mwa ŵakujapo ŵa mitundu! Kuti ŵawamo cha wo ŵanyamuwa-nyamuwa ŵangoza ŵawo ŵa miti ndipo wakiyakiya kuromba kwa ku chiuta yo kuti waziŵa kutaska cha.

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Ezra 4:3

Kweni Zerubabele, Yeshua ndi ŵanyake ŵa ŵara ŵa mafuku ghaku Yisraele, ŵanguti, “Mulivi nafwe kanthu pakuŵazenge nyumba, Ambuya chiuta waku Yisraele. Ifwe tija timuzengiyenge nyumba nge ndimo Sirusi karonga waku Perese wakutilanguliya.”

Maŵerengedu 18:19

Mipasku yose yakupaturika yo ŵaYisraele ŵapereka ku Ambuya ndapaska iwe, ndi ŵana ŵako ŵanthurumi ndi ŵana ŵako ŵanthukazi pamoza nawe, nge ndi phande la muyaya; ndi phanganu la muche paurongo pa Ambuya kwaku iwe ndi ku mphapu yako.”

Yesaya 61:5

Ŵalendo ŵakamanga ndi kuliska miskambu yinu, ŵanthu ŵa vyaru vinyake ŵakaŵanga ŵalimi ŵinu ndi ŵakurongoso mphereska,

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Ezekiele 47:22

Mukachigaŵanga nge nchihara chaku mwaŵeni ndi cha ŵalendo ŵakuja mukati mwinu wo ŵabariyamo ŵana mwaku imwe. Kwaku imwe ŵakaŵanga nge mbana ŵa ŵeni charu ŵa ŵaYisraele; ŵakagaŵikiyanga chihara pamoza namwe mukati mu mafuku ghaku Yisraele.

Machitidu gha Ŵakutumika 2:39

Chifukwa chipanganu cho che kwaku imwe, ndi ku ŵana ŵinu, ndi kwaku wose ŵakutari, wose wo wangajidaniya Mbuya Chiuta widu.”

ŴaEfeso 2:19

Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo,

ŴaHebere 8:6

Kweni sono wafikako ku umirizi wakuzungura, uli ndimo so ndi mwendamukati wa chipanganu chakuruska, chenicho chalangulika pa mapanganu ghakuruska.

Chituwa 12:45

Palivi muyinga pamwenga wanchitu wamphoto yo warghengepo.