ŴaEfeso 1:5 - Tonga Bible 1986

⁵ Wangutiteme limu mu chanju kuŵa ŵana ŵake mwaku Yesu Kristu, kwakuyana ndi likondwa la khumbu lake,

ŴaEfeso 1:5 Referans Kwoze

ŴaEfeso 1:11

Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake),

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

ŴaRoma 8:23

Ndi viyo pe cha, kweni taŵeni nafwe, taŵakuŵa ndi mruwuku wa Mzimu, nafwe titamanthiya mkatikati mwaku taŵeni, taŵakulindizga kuŵa ŵana, uwombozi wo wa maliŵavu ghidu.

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

2 ŴaKorinte 6:18

ndipo nkhaŵiyanga imwe Dada, ndipo imwe mwamkundiŵiya ŵana ŵanthurumi ndi ŵana ŵanthukazi, watiti Mbuya Wanthazizose.”

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

Yohane 11:52

Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

2 ŴaTesalonika 1:11

Ndi mwaku chenichi mo tirombe imwe nyengo zose, kuti Chiuta widu wampimiyeni ŵakwenere ku mdanu wake, ndipo wafiski ndi nthazi khumbo lose lamampha ndi mlimu wose wa chivwanu;

Luka 10:21

Mu ora leniliya Yesu wangukondwere mu Mzimu Wakupaturika, ndipo wanguti, “Ndikurumbani, Ada, Mbuya wa kuchanya ndi panupasi, kuti mungubisa vyenivi ku ŵazeru ndi ŵakawamo ndi munguvivumbuliya ku malitema: inya, Ada, pakuti viyo kunguŵa kwakukondweska paurongo pinu.

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Mateyu 11:26

Inya, Ada, pakuti viyo ndimu kunguwoneke umampha mu maso ghinu.

Luka 11:32

Ŵanthurumi ŵaku Nineve ŵasokiyenge mu cherezgu cho pamoza ndi mphapu iyi, ndipo ŵayisuskenge; pakuti ŵangung'anamuka chitaula chaku Yona; ndipo onani, wakuzungura Yona we panu.

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

1 ŴaKorinte 1:1

Kalata wakutuwa kwaku Paulo, wakudanikiya kuŵa wakutumika waku Yesu Kristu mu khumbu laku Chiuta, ndi Sosthene mbali widu,

Mateyu 1:25

ndipo kuti wangumziŵa cha mpaka wangupapa mwana: ndipo wangudana zina lake Yesu.

Yeremiya 3:4

Kumbi iwe ulivi kudana kwaku ine kuti, ‘Ada, mwenga bwezi langu penipo ndenga munyamata;

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

ŴaKolose 1:19

Pakuti kungukondweska Dada kuti mwaku iyo ujariye uzali wo wose;

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.