ŴaEfeso 1:19 - Tonga Bible 1986

¹⁹ ndiwo ukuru wa nthazi yake kuchiri kwaku ifwe taŵakuvwana, nthazi uli ndi kachitidu ka ukumu wa nthazi zake,

ŴaEfeso 1:19 Referans Kwoze

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

ŴaKolose 1:29

Mwaku ichi nditakataka ndawakulimbalimba ndi nthazi yose yo wachitiya mwaku ine.

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

ŴaEfeso 3:7

Waku wo ndinguchitika mteŵeti, kwakulingana ndi mpasku wa wezi wo waku Chiuta, weniwo ungupaskika kwaku ine uli nkhachitidu ka nthazi yake.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Yakobe 1:18

Kwakuyana ndi khumbu lake wangutipapiya ndi mazu gha uneneska, kuti tiŵe ifwe mruwuku wakuti wa vilengeka vyake.

2 ŴaTesalonika 1:11

Ndi mwaku chenichi mo tirombe imwe nyengo zose, kuti Chiuta widu wampimiyeni ŵakwenere ku mdanu wake, ndipo wafiski ndi nthazi khumbo lose lamampha ndi mlimu wose wa chivwanu;

Yesaya 53:1

Njani wavwana ndi chenicho tavwa? Ndipo nkhwakuyani ko lavumbukiya janja la Ambuya?

1 ŴaTesalonika 1:5

pakuti evangeli widu kuti unguziya imwe mu mazu pe cha, kweni so mu nthazi ndi mu Mzimu Wakupaturika, ndi mu uzali wenecho wa chigomekezgu. Uli ndimo muziŵiya po tinguŵiya mwinu wakuti e, pa chifukwa chinu.

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Yohane 3:6

Cho chapapikako ku nyama ndi nyama; ndipo chochapapikako ku Mzimu ndi mzimu.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.