ŴaEfeso 1:17 - Tonga Bible 1986

¹⁷ kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo,

ŴaEfeso 1:17 Referans Kwoze

Yesaya 11:2

Ndipo Mzimu wa Ambuya ukajanga paku iyo, mzimu wa chinjeru ndi wakuwamo, mzimu wa fundu ndi nthazi, mzimu wa zeru ndi wa chopu cha Ambuya.

Nthanthi 2:5

po ndipo ukaziŵanga kopa Ambuya ndi ukasaniyanga zeru yaku Chiuta.

2 Petro 1:3

Uli ndimo nthazi yake yauchiuta yatipaskiya vyose vyakukhumbikwa ku umoyo ndi uwopa Chiuta, mu kumziŵa mweniyo watidaniya ku unkhankhu ndi umampha waku yija;

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

1 ŴaKorinte 2:10

Kweni Chiuta wavivumbuliya kwaku ifwe mu Mzimu. Pakuti Mzimu yo wapenjapenja vinthu vyose, wapenja ndi vyandimba vyaku Chiuta.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

ŴaEfeso 3:5

ghenigho mu migonezi yinyake ghengavi kuziŵikwa ku ŵana ŵa ŵanthu, uli ndimo sono ghavumbulikiya ndi Mzimu ku ŵakutumika ŵake ŵakupaturika ndi ŵamchimi;

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Machitidu gha Ŵakutumika 6:10

Ndipo ŵanguŵavi nthazi kumikirana ndi zeru ndi Mzimu mwenimo warongororenga.

Mateyu 6:13

Ndipo mungatitole mu kesedu kweni titaskeni ku mheni yo.

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

2 ŴaKorinte 12:1

Nditenere kutumbwa inya; ndipo kuti kutovya kanthu cha; kweni ndirutiriyenge kukamba ndi viwona ndi mauvumbuzi gha Mbuya.

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Sumu 24:7

Yinuskani mwa malikomo mitu yinu! Ndi mujiyinuske, mwa visasa vya mwaka! Kuti karonga wa unkhankhu waseremo.

1 ŴaKorinte 12:8

Chifukwa kwaku uyu kwapaskika mu Mzimu mazu gha zeru; ku munyake mazu gha mziŵiru ndi Mzimu mweniyo pe,

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

ŴaRoma 15:6

alinga kuti ndi mtima umoza mukankhuskiye ndi mlomo umoza Chiuta ndi Auskeu ŵa Ambuyafwe Yesu Kristu.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Danyele 10:1

Mu chirimika cha chitatu chaku Sirusi karonga waku Perese mazu ghanguvumbulika kwaku Danyele yo wadanikanga Belteshazara. Ndipo mazu ghenga ghakuneneska ndi ghenga nkhondo yikuru. Ndipo wangughaziŵa mazu ndi wenga ndi muziŵiru wa chiwona.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Sumu 24:10

Njani uyu karonga wa unkhankhu? Ambuya ŵazinkhondo, ndiwo karonga wa unkhankhu!

Chivumbuzi 7:12

ŵakuti, “Ameni! Thumbiku, ndi unkhankhu, ndi zeru, ndi chiwongu, ndi ulemu, ndi nthazi, ndi uchilamilami, viŵiye kwaku Chiuta widu ku muyaya ndi muyaya! Ameni.”

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Yakobe 2:1

Mwa ŵabali ŵangu, mungaŵa nacho mu urumba chisku cha chivwanu cha Ambuyafwe Yesu Kristu, Mbuya wa Unkhankhu wo.

1 ŴaKorinte 14:6

Kweni sono, mwa ŵabali, asani ndingaziya kwinu wakukambiya mu marongoroledu, ndikwanduliyeninge chine, asani ndireka kumkambiyani mu uvumbuzi, pamwenga mu mziŵiru, pa­mwenga mu umchimi, pamwenga mu chisambizgu?

Luka 12:12

chifukwa Mzimu Wakupaturika warunguchizgenge imwe mu ora leniliya vyo mutenere kukamba.”

Luka 2:14

“Unkhankhu kwaku Chiuta mu mdengwendi, ndi panupasi chimangu mu ŵanthu mwaku wo wakondwere.”

Sumu 29:3

Mazu gha Ambuya ghe pa maji, Chiuta wa unkhankhu wadiririska, Ambuya, pa maji ghanandi.

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Machitidu gha Ŵakutumika 7:2

Ndipo iyo wanguti: “Mwaŵanthu, mwa ŵabali ndi mwaŵada, andini! Chiuta yo waunkhankhu wangumwoneke wiskefwe Abrahamu, weche mu Mesopotamia, wenga wandajemo mu Harani, ndipo wangumnene,

Chituwa 28:3

Ndipo ukambenge ndi wose ŵakuŵa ndi mazaza wo ndaŵazaza ndi zeru, kuti ŵasone maraya ghaku Aroni kumupatuliya ku uzukuru wangu.

Jobu 42:5

Ndingumuvwani ndi makutu pe, ndipo sono maso ghangughamuwonani,

Nthanthi 18:15

Muwongo wa chinjeru upenja zeru, ndipo gutu la wazeru lipenja chinjeru.

ŴaEfeso 4:13

mpaka tamfikiya tose ku umoza wo wa chivwanu, ndi wa chiziŵisku cha Mwana waku Chiuta; ku munthu wakukhoma, ku mwesu wa msinkhu wakufikapo wa uzali waku Kristu,

ŴaFilipi 3:15

Viyo tose pakuŵa ndi vinjeru tighanaghane chenichi; ndipo asani mughanaghana kamwenga, Chiuta wakavumbuliyenge ko kwaku imwe.

Mateyu 20:33

Wamunene, “Ambuya, kuti maso ghidu ghajurike.”