ŴaEfeso 1:11 - Tonga Bible 1986

¹¹ Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake),

ŴaEfeso 1:11 Referans Kwoze

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 Petro 1:4

ndi so ku chihara chambura mawoleka, ndi chambura banga, ndi chambura mafoteka, chakuŵikikiya imwe kuchanya,

ŴaEfeso 1:14

yo ndi ndindira ya chihara chidu, ku uwombozi wa chiwetu chake ku rumbu la unkhankhu wake.

ŴaEfeso 3:11

kwakulingana ndi chitema cha muyaya, chenicho wanguchitiya mwaku Kristu Yesu Ambuyafwe,

ŴaEfeso 1:5

Wangutiteme limu mu chanju kuŵa ŵana ŵake mwaku Yesu Kristu, kwakuyana ndi likondwa la khumbu lake,

ŴaGalatia 3:18

Chifukwa asani chihara cho nchakutuwa ku langulu, kuti ncha ku chipanganu so cha: chifukwa Chiuta wanguchpaska kwawezi kwaku Abrahamu mu chipanganu.

ŴaHebere 6:17

Nako viyo chiuta, pakukhumba kurongole limu ku ŵakulihara phanganu uwura masinthika wa chipangu chake, wangudumulizgamo ndi rapu:

Tito 3:7

alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

ŴaKolose 3:24

pakuziŵa kuti ku Mbuya mwamuronde mphoto yinu ya chihara cho: muteŵete Ambuya Kristu.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Machitidu gha Ŵakutumika 20:32

Ndipo sono ndikuseserekezgani kwaku Chiuta, ndi ku mazu gha wezi wake, kwaku mweniyo ngwanthazi kukuzengani, ndi kukupaskani chihara mwaku wose ŵeniwo ŵapaturiskika.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Sumu 37:18

Ambuya aziŵa mazuŵa gha ŵakongorekwa, ndipo chihara chawo chikajaririyanga muyaya;

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

ŴaRoma 11:34

“Pakuti njani waziŵa chinjeru cha Mbuya? Pamwenga ndi yani mpanga-fundu wawo?”

Zekariya 6:13

Ndiyo wakazenganga kasopi wa Ambuya, wakaŵanga ndi chitumbiku cha ufumu, ndipo wajenge ndi kuwusa pa chitengo chake cha ufumu. Ndipo pakaŵanga mzukuru pafupi ndi chitengo cha ufumu wake, ndipo chimangu, ndi chinjeru vikaŵanga pakati paku wose ŵaŵi.” ’

Yeremiya 23:18

Pakuti njani mwawo yo wama mu fundu ya Ambuya kuziŵa ndi kuvwa mazu ghawo, pamwenga njani waphwere mazu ghawo ndi kutegherezga?

Yesaya 28:29

Ichi nacho chituliya ku Ambuya ŵamaŵanja; aziziswa mu upu wawo, mbakunozga ukongwa mu chinjeru.

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Nthanthi 8:14

Ndendi chipangu ndi zeru yakufikapo, ndendi kuziŵa kwa mukati, ndendi nthazi.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

ŴaEfeso 1:8

wo wangwandaniskiya ifwe mu zeru yose ndi vinjeru,

Jobu 12:13

“Kwaku Chiuta kwe vinjeru ndinthazi, we ndi fundu ndi vinjeru.

Jobu 33:29

“Wonani, Chiuta wachita vinthu vyose ivi kaŵi, katatu, ndi munthu,

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

ŴaRoma 8:30

ndipo wo wanguteme limu, ŵeniwo nawo wangudana: ndipo wo wangudana, ŵeniwo nawo wangurunjiska; ndipo wo wangurunjiska, ŵeniwo nawo wangukankhuska.

ŴaRoma 9:11

chifukwa ŵana wo ŵecheŵandapapike, chingana nkhuchitapo so kanthu kamampha pamwenga kaheni, alinga kuti chitema chaku Chiuta kwakuyana ndi kasankhidu chijaririye, kutuwa ku zinchitu cha, kweni kwaku yo wadana,

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.