Tito 1:7 - Tonga Bible 1986

⁷ Chifukwa mlereze watenere kuŵa wambura masumulika, wachiwawa cha, wambembe cha, mwanduzi vyasoni cha;

Tito 1:7 Referans Kwoze

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

1 Petro 4:10

uli ndimo munthu yose warondere chawezi, teŵetiyanani ndi chenicho, nge mbateŵeti ŵeneko ŵa wezi wa mtundumtundu waku Chiuta.

Luka 12:42

Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Ezekiele 44:21

Paulevi mzukuru wakumwa vinyo, asani wasere mu luluwa la mukati.

Yesaya 28:7

Yaŵa nawo ŵazendazenda ndi vinyo ŵazendazenda ndi vyakumwa vyakuloŵereska; mzukuru ndi mchimi ŵazendazenda ndi vyakuloŵereska, ŵatimbanizgika ndi vinyo, ŵazendazenda ndi vyakuloŵereska, ŵananga mu chiwona, ŵaguŵa pakupaska cheruzgu.

Nthanthi 14:17

Munthu wakukara ruŵi wachita kwakupusa, kweni munthu wa maghanughanu wazika.

Nthanthi 15:18

Munthu wachikalirizga wayuska ndeu, kweni yo ngwambura kukara ruŵi wazikiska kupindana.

Tito 2:3

makhongwe nagho kwakulingana ghaŵe ghaulemu mu kajaridu, ghakuparamula cha, chingana ngaŵanda ku vinyo linandi cha, ghakusambizga vyamampha:

Tito 1:5

Chifukwa chenichi ndingureka iwe mu Krete, alinga kuti urulike vyo vyenga vikufiskika, ndipo kuti ujarike ŵara mu msumba wose, uli ndimo ine ndungukulanguliya;

ŴaFilipi 1:1

Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

Mateyu 24:45

“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

Wakutaula 7:9

Reka kukaripa ruŵi, pakuti kukaripa kugona mu chifuŵa cha ŵakupusa.

Nthanthi 16:32

Mweniyo ngwakuura kukwiya ruŵi ngwamamphaku ku wanthazi, ndipo mweniyo wateruzga mzimu wake waruska mweniyo wakwamphuwa msumba.

ŴaLevi 10:9

“Ungamwanga vinyo pamwenga chakuloŵereska cha, iwe chingana mbana ŵako pamoza nawe, muchiruta mu hema lakuwunganamo, vinu mungafwa; likaŵanga langulu muyaya mu migonezi yinu yose.

Chiyambo 49:6

Iwe wa mtima wangu, ungazanga mu fundu yawo cha; iwe wa mzimu wangu, ungajibatikanga ku mpingu wawo cha; pakuti mu kukara kwawo wangubaya ŵanthu, ndipo mu kuwura kujiko kwawo wangupunduwa ng'ombe.