Sumu 99:4 - Tonga Bible 1986

⁴ Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Sumu 99:4 Referans Kwoze

Sumu 11:7

Chifukwa mbakurunjika Ambuya, atanja nchitu zakurunjika; ŵakunyoroka ndiwo ŵawonenge chisku chawo.

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Jobu 37:23

Wanthazizose kuti tingaziŵa kumusaniya cha; ndi mukuru mu nthazi ndi mu cheruzgu, ndi uzali wa urunji kuti wakasuskanga cha.

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Yuda 1:15

Kwachichitiya cheruzgu paku wose, ndi kwachipanikizgiya wose ŵambura uwopa Chiuta ndi nchitu zawo zakuura uwopa Chiuta, zeneizo watakatakiya kwambura uwopa Chiuta, ndipo ndi vinononu vyose vyenivyo ŵalakwi ŵambura kopa Chiuta ŵakamba paku iyo.”

Yesaya 61:11

Pakuti mo charu chapasi chituzgiya mumera wake, ndipo nge ndimo munda umezge vyo vyamijikamo, viyo so ndimu Ambuya Chiuta wakamezgiyanga ukongore kwa ndi rumbu pa maso pa mitundu yose.

Yesaya 42:4

Kuti wakatondekanga chingana nkhudondeskeka cha mpaka penipo wawandiska cheruzgu chirunji mu charu chapasi; ndi vyaru vya mu malikumba vikalindizganga dangu lake.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.