Sumu 98:5 - Tonga Bible 1986

⁵ Mbaninga marumbu ku Ambuya ndi kaligu, kaligu ndi mazu gha nkhoŵera!

Sumu 98:5 Referans Kwoze

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

Sumu 33:2

Tumbikani Ambuya ndi kaligu, ŵakoŵeriyeni ndi bangwi wa malisinga chumi!

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

2 Mikoka 29:25

Wanguŵika ŵaLevi mu nyumba ya Ambuya, ndi vimbumbuli, ŵazezi, ndi ŵabangwe, kwakuyana ndi langulu laku Davidi ndi laku Gadi muwona wa karonga ndiwaku Natani mchimi pakuti langulu lingutuwa kwa Ambuya mu ŵamchimi ŵake.

1 Mikoka 15:16

Davidi wangulanguliya ŵarongozgi ŵa ŵaLevi kumika ŵabali ŵawo nge mbakumba wo ŵatenere kumba ukongwa ndi vyakumbiya, ŵazeze, ŵabangwi, ndi vimbumbuli kukwezge mazu gha chimwemwe.

1 Mikoka 15:28

Viyo ŵaYisraele wose ŵanguto bokosi la phanganu la Ambuya ndi kukambura ndi kumba kwa mbata ndi malipenga, ndi vimbumbuli ndi ŵangumba ukongwa ndi ŵazeze ndi ŵabangwe.

Sumu 71:22

Ine nane ndikarumbanga imwe ndi bangwi, ndithokozenge kugomezgeka kwinu, mwa Chiuta wangu; ndimbiyenge marumbu kwaku imwe ndi kaligu, A Chiuta Mtuŵa Yumoza waku Yisraele.

Sumu 147:7

Mbiyani Ambuya sumu zakurumba; koŵereni Chiuta widu ndi bangwi.