Sumu 98:3 - Tonga Bible 1986

³ Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Sumu 98:3 Referans Kwoze

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Machitidu gha Ŵakutumika 28:28

“Viyo kuziŵikwe kwaku imwe, kuti ku Mitundu utaski uwu waku Chiuta utumika: iwo nawo ŵavwenge.” [

Machitidu gha Ŵakutumika 13:47

Chifukwa Ambuya atilanguliya viyo, ‘Ndakuŵika uwe kungweruka kwa Mitundu, kuti utore utaski mpaka ku chigoti cha panupasi.’ ”

Luka 1:72

kwachichitiya lisungu ku auskefwe, ndi kwachikumbuka phanganu lake lakupaturika;

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Sumu 98:2

Ambuya aziŵiska kupunda kwawo, avumbuwa ku mitundu nthazi yawo yakutaska.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

ŴaRoma 10:12

Chifukwa mphambanu palive pakati pa muYuda ndi muGriki chifukwa yumoza iyo ndi Mbuya waku wose, msambasi kwaku wose ŵakudaniya paku iyo:

Luka 3:6

ndipo munthu yose wawonenge utaski waku Chiuta.”

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 67:7

Chiuta watitumbika; ndipo ŵanthu wose kosekose ŵamutumbike.

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

ŴaLevi 26:42

sono po ndipo nkhakumbukanga phanganu langu ndi Yakobe ndi phanganu langu ndi Yisaki ndi phanganu langu ndi Abrahamu, nkhakumbukanga charu cho.

Yesaya 52:7

Ama kunozga pa mapiri marundi ghaku yo watuza ndi uthenga wamampha, yo wataula chimangu, yo watuza ndi uthenga wamampha wa vyakunozga, yo wataula utaski, yo watitikwaku Zioni, “Chiuta wako wawusa.”